US gam Indianapolis khuapi ah Chin te mi 70 kim Gangster ah lutta

US gam Indianapolis khuapi ah Chin te mi 70 kim Gangster ah lutta

Decmber 18/2016 :: USA gam,Indianapolis khuapi ah Chinte mi 10,000 valbang na omta uh a,2013 kumin Chin khangnote Ganster ci’n sayian a koih mihing 20 na omkhin uh hi. Tu kum 2016 ciangh mi 70 kimbang na omta uhhi ci’n Chinland News ah suaksak uh hi.

Tua mi 70 sungah a min uh leh a khua atui uh mi 57 bang tel sitset in pulakkhiata uh hi.Tua sungah numei 4 na kihel uh a,atamzaw pen kum 18 nuaisiah ahi uh hi.A photo (Maan) te zongh kanei khin sitset uh hi.Hihpen palik leh Perry Township data te’n hongpiak uh ahi hi ci’n pu Van Ceu Uk in December 16 nitaak CCI Meetinna mun ah pulakkhia hi.

Gangster Namthum Om..

1) Zophei gangster deuhteng
2) Hakha leh Thantlang deuhteng
3) Mizo leh Falam deuhteng ci’n namthum in na kikhen uh hi.

Mawtaw 3 nei uh in,A sep bulpi uh pen…

1) Guihtheih khamtheih zuak
2) Namdang Gangster-te tawh kitam thuah uh
3) Guta uh
4) Mi khat in atawmpen $900 muhkhiat zawh nading fund zongh cihdan nengneng

Guihtheih Khamtheih a zuakna munteng uh pen…

1) Siamsinna Sanginn
2) Bawlung suihna mun te ah
3) Pawlpi sangkahna mun te ah
4)Pawi kibawlna mun khempeuh ah

Numei 4 te sepkkhiatpi tengpen tangval tampi zawlbawl uhin, gangster sungah lutpih zawh nading hanciam uh,numei khat nu bangin tangval 5 bang nazol theiman ci uh hi.

Indianapolis bekah ihsakleh na hilo, State dang a gangster pawl tawh kizomngai mangkhin uh,Facebook tungtawn in na kizom den uh hi.

Gangster a upmawh tengpen a zawdeuh in mivom gangster te tawh kizompen a, muanmawh ahi uh hi.

More: Malaysia, Klang Valley sungteng Monday ni tui pailoding

Tuate lakah Highschool mankhinsa a om banah College kahlai zongh na om uh hi.A tamzaw pen Middle leh High School kahlai vive ahi uh hi.

Behlap: ZOMI Khangthak te’n thu saupi hong ngaihsun un maw….!!! Chinland News/ Zomi Post