US Congresswomen in US in Syrian Rebels te galvan tawh huhmah hi ci

US Congresswomen in US in Syrian Rebels te galvan tawh huhmah hi ci

Dec. 12, 2016: Galkap pensen leh US Congresswoman Tulsi Gabbard in Syria President Assad laih khiat theihna dingin US Central Intelligence Agency (CIA) ten kum bangzah hiam 9/11 in US suamte al-Qaeda tawh kipawl Syria kumpi lehdote (rebels) huh den uh ahih manin CIA ten tua banga a gamtatna uh a tawpsanna dingun #StopArmingTerroristsAct kici ka pankhia a, Syria ah mite gentheihna beisakna ding ngimna leh deihna hi ci-in a Twitter ah Friday zan in tuangsak hi.

US President Barack Obama in Friday in Syria kumpi leh Russia mawhpaih in Aleppo ah dong tuak ten huhna lianpi kisam hi a cih pong hangin Obama’ administration in Aleppo dongtuakte huhna piak ding lawhsap hi ci-in Gabbard in ci hi.

More: Japan gampan kibawl nektheih Muji leh Natto Brand te kidop huai

Gabbard in Stop Arming Terrorist Act kici pen December 8 in a pat khiat hi a, hih Stop Arming Terrorits Act kici pen terrorist kipawlna tuamtuamte (IS kihel in) US siah piate sum zangin huhna sum (funding), galvan (weapons), galdo ding dan sinsakna (training) leh thusim pia-a huhna (intelligence support) piak nawn loh ding cih deihna tawh a pat khiat ahi hi. Source: Sputnik/ Thang Khan Lian