US ah Chin mikhat in adang Chin mikhat thau tawh kap

US ah Chin mikhat in adang Chin mikhat thau tawh kap

USA, Winconsin State sung aom Milwaukee khuasung ah Chin mi khatin adang Chin mikhat thau tawh kapliam ahih manin, zato kipuak cihthu Chinlandnews panin kizasawn hi. Aki kapliampa pen Chin State sung aom Thantlang Myone, Farrawn khuami hi a, amin ki theicianlo in, Chan Hu Lian’ pa cihciangbek tawh kithei phot hi.

Thau tawh akappa pen Chin State sungmah aom Tlangpi khuami khat hi a, aminpen Bawia cihciangbek in kitheiphot hi. (Aminpi ki theician nailo).

Thau tawh thumveitak akap hi a, ahi zongin silo hi. Agilpi zong kapkha ahih manin zato ah Operation kibawlsak cihi.

Aguhzong kapkha ahih manin tuazong zato te’n zingciang bawlsakding uh cihi.

Doctor te genna ah aki kapliam Chan Hu Lian’ pa pen hoihkik theiding ci uh a, tu’n inzong ki hopihtheita cihi.

Hih thautawh kikapna pen October 01 ni zanlam 10pm hunpawl in Bawia acihpa in thautawh akap hi a, akap khitzawh asawtlo in aliampa pen zato kipuaktheipah hi.

Banghang in thautawh kikapliang uhhiam cihpen ki theician nailo a, a innkuan te’nzong bangmah genkhia nuamlo uhhi.

Akappa Bawia zong palik te’n mankhinta cih kiza hi. Lawmte thau bangtawh kikap cihthu kiza liangta ahih manin, hong khauhpai simthammawk uhei. ZD Sawltak #zomidaily