US ah atanu abuanzel papikhat kum 1503 sung thongkiading
USA, California State sung aom Fresno khua ah papi khatin atanu kumsawm valdeuhkhat kum 4 sung buan (Rape) ngetngetden cimawk hi. Tuahang in thong kum 1503 sung akiading in thunei te’n thupia uh cihthu Daily Mail ah October khabeikuan in suaksak uhhi.
A tanu kua cih akitheih khiatding kideihlo ahih manin, tua papipa minpen ki pholakkhia ngamlo a, ahi zongin kum 41 aphakhin khat ahihi. Kum 1503 sung thongkiading in thu akikhentat hi a, Fresno Superior Court in thongkiading in thu apiaklak ah ahun asawtpen zong hipah cih kiza hi.
Thukhenpa in agenna ah hihpa pen mi lauhuai mahmahkhat hi. Bangmah kisiknamel zong neilo, ama gamtatna pen atanu khawng ngahsawm zawlai hi ci’n genkhia hi.
2009 May khapan akipan 2013 May kha dong tua numeino pen buan athuak ngekngek hi a, kalkhatsung in nihvei pan thuvei peuhmah buan thuakngekngek cimawk hi.
A tanu in thukenmang te kiangah agenna ah kapa in kaneulai akipan hongbuan ngekngek cimawk hi. Neulai kahih manin kuamahkiang ahzong kagen ngamkei a, kadal nadingzong tha kaneikei cihi.
Kapa in hongbuangawp khitciang in nakasak mahmahhang kisikna leh hehpihna khatveizong honglak ngeivetlo hi ci’n thukhen te kiangah genkhia hi. Tu’n tua numeino pen kum 23 bek phapan hi. Thupianglah lamdang ei, thongkiat kumding zonglah sawtpah tiaituai sam ei. ZD Sawltak #zomidaily
Comment piaknop aomleh...