UNHCR leh Community kipawlna makaite Meeting

UNHCR leh Community kipawlna makaite Meeting

UNHCR te leh COMMUNITY ki pawl na makai te Meeting ki neithei hi. Tuani 11 May 2021 in UNHCR leh CLU makaite tawh holimna meeting kinei thei hi. Hih meeting hun sungah UNHCR nuai ah aom community/kipawlna omte haksatna teleh UN mabaan te kikupna kiknei thei in theih ding athupi zawdeuh teng a nuai aa bang ahihi.

1. Nausuak, Nauneite

JPN te in nausuak lai late nidang tawh kibang sak nawnloin UNHCR card hong ngetna uh tawh kizui in kumpi thuneite leh thuneite tung ah theihsakna/zaksakna kinei khin zo hi. Tuabang haksatna a tuak veve aom leh amanlang in tua zum leh amun te UNHCR zumpi ah nong zaksak na ding uh cih thu honglim vai khak mahmah uh hi.

2. Card Renew vai tawh kisai

UNHCR card tawi khempeuh in na omna uh leh na phone no te uh a manlang theithei in nong update tek na ding uh kong zasak nuam uhhi, tua baan ah card renew ding tawh kisai-in tuni ciangdong hong kisap lohna ahangpen atam zaw hong ki-update loh hang hizaw hi. Tua ahih manin UN card tettan beisa te’n amanlang in nong ki update tek na dingun kong zasak uhhi.

Card tettan/update ding tawh kisai in, Malaysia gamsung ah mun khat leh mun khat kikawmna a hamsatna tawh kizui in KL sung leh Selangor sunga omte ki-masak dinga, veng dang a om te khua hun hoih toh zui in kizom toto ding hi.

Hih card tettan beisa te tawh kisai in, UNHCR zum panin kha 6 sung behlapna lai hong kisuah sakna ahang pen ih om na gam kumpi thuneite tung ah kikhak in ki zasak khin hi, mun tuamtuam ah kumpi nasem thunei te-in mimal in theikha lo uh ahih kei buang leh, ih om na gam kumpi thuneite tungah kizasak khin ahihi.

3. Registration tawh kisai

UNHCR ah website pan in gambeel siauh na vai tawh ki sai in, khat vei na siauh khit ahih leh, khat vei hong siau kikkik nawn kei un. Abeisa in mi pawlkhat te tamveipi hong khak uh ahih manin tuabang te in, nasep zekaisak tuam mahmah hi. Tua ahih manin, khatvei na siauh khit uh leh kicing hi cih na theihna ding un, zum lampan in na laikhiat uh a kingahna thu hong kizasak ding hi.

4. RSD

RSD vaitawh kisai in, abeisa kum 2020 MCO hunlai in a kikhak hi a, ahih zong in MCO hong beizawk deuh ciang in, kipan kik-in kihong kik napi himah leh nidang bang lo-in, phone call tungtawn in interview ka neih uh zong pawlkhat om a, tualo UN zum ah sam in ka interview uh zong om hi. Ahih hangin nikhat/hunkhat thu in mitampi a kineihzawh loh baanah nasem mi kicing lo ahih manin deihbang in mi tampi ki interview zolo hi.

Ahi zongin tuni ciang dong mah ka hihtheih zah un interview a kizom toto ahih nathu kong theisak nuam uhhi. RSD in policy/paizia kip kinei in, a kisapna leh a thu tawh kizui in kakalsuan uhhi. Tua ahih manin pawlkhat te in zekai a sa om ding a, tua bang in zia kaisa lua in na lung himawh kha kei un hong kisam lo ding cihna hi lo in hong kisam veve ding hi.

5. 2013 kum a UN kipiasa, a kilaksak kik te vai tawh kisai

UNHCR pan in kong zaksak na sa uh ommah bangin na file/case uh honkikna ding in lai nongkhiat ding uh kisam hi.

6. UNHCR pan in tunai UN card ka piak uh pawlkhat om tawh kisai in

Hih thu tawh kisai dotnate pan bang hangin interview kician omlo pi in UN Card kipia hiam cih hong kidotna tawh ki zui in, tua UN card a ki pia te pen a kisapna leh a vaithu pi uhtawh kizui in UN card kipia a, tua pen “A Person of Concern Card” kici hi.

7. Kimat kihen vai tawh kisai in

UNHCR pan-in Arrest and Detention kimat kihen lam vaisai te-in nakpitak in ka hihtheih zah-un haancim in a kisapna mun leh akisam bangin panla in, kumpi thunei te kiang kana pai uhhi. Khuahun siatna tawh kizui in mun khempeuh ah deihbang in ki gamtaang theilo kipai thei sam lo hi. A kipai theih lohna munte ah zong phone call leh video call tawh thuneite hopih in mat leh hen a tuakte vai ka hih theih tawp un ka gensak uh hi.

Pawl khat te kha 9/10 bek hi lo in kum 1 val sungbang immigration te khutsung ah ana om khin om a, tuabangte pen thuneite khutsung pan in lak khiatpah nading baih nawn lo ahih manin mikim pen kilakhia zogai tuan lo hi. Thu paizia khatzong nong telsiam na ding uh ka lunggulh mahmah uhhi. No kipawlna/community sung ah zong mat leh hen a tuak mimal a om leh a manlang theithei in online pan in UNHCR zum ah nong zaksak nading uh kong zasak phapha uhhi.

8. Durable Solution

Gam 3 na puak theih nading-in mii bangzah kipuak theiding cih gambel mi hong la ding gamte ah kipuak den a, ahi zong in tua a kipuak khempeuh a paithei pah hituan lo hi. Amau case tawh kizui in kipuak/kiten hi-a, a la ding gamte deihdan leh amau policy in a huamzo ahi ding zong kisam mahmah hi. Gam khempeuh in amau gam tawh kituak thukhun/policy leh mimal lak theih nading ciangtan nei-tek uh a, tua tawh kizui-in Gambeelmi a la thei ding gamte ah Min-sazian kipuak kawikawi hi.

Kumsim in gambeelmi tam a lapen gam ahi USA in abeisa kum te ah, immigration vai tawh kisai in, thukhun thak a neihna uh tawh kizui in mi tampi lalo in hong om takciangin UNHCR thuneihna hi lo ahih manin ih UN mabaan nasepnate tampi hong zekai tosak pah lian uhhi.

Tu in ahih leh US kumpi kilaih khin-in, a policy thaktawh ki zui in pipe-line sunga a omte hong manlang zaw ding in ih lamen mahmah hi. Pipe-line sungah lut sa te in nau ih neih leh aman lang thei pen in RSC ah ih zaksak hamtang ding thupi mahmah hi. RSC a man khin sa hi napi Fraud case tawh a awklaite te in tuni ciang dong hong kisap nai kei leh aman lang in RSC ah na thu uh kancian theih na ding in lai khia in na kantek un. ZAM