Ui photo khat hangin Russia ah pasal khatin alawmnu Acid buakin meitawh hal

Ui photo khat hangin Russia ah pasal khatin alawmnu Acid buakin meitawh hal

Russia gamsung aom Moscow khua ah pasal khatin a lawmngaihnu Acid tui buakin meitawh hang ahih manin liamgawp cih Daily Mail pan kiza hi. Tua abawlsia pasalpa minpen Vyatcheslav kici a, alawmnu minpen Yekaterina M kici hi.

A lawmngaihnu pen nidangin pasaldang lawmngaih khat nei ngei hi. Tuapa a lawmngaih luipa ii ui photo khat kemkha citciat in, tuapen tulaitak alawmpa ahi Vyatcheslav in amuh ciangin hehlua in amai panin Acid tui abuaksuk cimawk hi.

Kum 24 aphakhin tua numeinu in Local Media te tungah agenkhiatna ah kamai Acid tui hong buahsuk khitciang in meisah khattawh mei honghal in, ka phelhtheihloh nadingin hong lencip cisawnsawn hi.

Hospital ah akizaih Photo khat Online ah ki khahkhia in cikziak huai mahmah hi. Alu amai avekpi in Bandage tawh kituamcip in, a awm leh akhut langnihzong Bandage mahtawh kituamgawp hi.

Alawmpa innsung aom tuibuk sungah meitawh hal athuak hi a, apuansilh pen meikuangpah cihi. Mei kaphelhsawm hangin hong lencip cihi. Adendeuh ciangbek in kisilbuk sungah alawmpa in tui honsak in tuaciang bekin meikuang mitpan hi ci’n numeinu in genkhia hi.

Acid tuitawh meikatna tawh thuaklah mahmah hitaleh a lawmpa pen aheh suakmahmah ahih manin zatui Medical Treatment bangmah kibawlsaklo in nainih sungbang koihcip sawnsawnlai hi.

More: En Huai Christian Innkuan ~ Bishop Felix Lian Khen

Nidang in hih numeinu leh a lawmngaihlui Ex-boyfriend in ui khat neikhawm uhhi. Buaina apianma azan nitaklam in tua ui pen numeinu in photo zaihin alawmpalui khakkha citciat hi. Tuapen tulaitak alawmpa in atheih ciangin hehlua ahih manin hihbangin Acid buakin meitawh ahalliang ahihi. Thukhending hilecin kua mawhzaw nasa uhhia leh? 🙂 ZD Sawltak #zomidaily