U.S Breaking News: Social Security benefit khangding

U.S Breaking News: Social Security benefit khangding

US gam sungah Social Security (SS) benefit a ngah/ne te kha khat 8.7% ta khang ding uh aa, Pension ne (Retirees) kum 65 pan atungsiah (seniors) te ahih leh kha khat $140 kiim ta khang ding hi ci in White House in taangko khia hi. Abeisa kum 40 sung SS benefit atam pen akhan na hi aa, Cidam na lam sum zatkhiatna – Medicare costs te tampi kiam suk hi ci in White House in behlap hi.

US inflation asan na hang leh Recession te hangin nek leh dawn leh om na (cost of living) man hong kah na tawh kizui in US kumpi in Kum tam Seniors te aading akhansak uh hi aa, 2022 in $1681 a ngah khat in 2023 kum ciang $1827 ngah ding uh hi ci in CNBC in genkhia hi. Tua bek thamlo in Veterans akici Pension ne Galkap lui te zong a SS benefit uh 8.7% mah khang ding uh hi ci in Military Times in genkhia hi. US gam sungah tulai tak Social Security benefit ane gammi 65 million kiom hi ci uh hi. US gam sung ateeng ei Zomi sungah zong SS benefit angah tampi kiom ahih manin alungdam huai mahmah thu khat ahi hi. Ref: CNBC, White House, Military Times

U.S Breaking: Student loan debt relief kisiau thei ta

Abeisa hun aa President Biden in “student loan forgiveness program” akici Sangkahna sum te mai sak na atangkoh khiat tawh kizui in tu in Student loan Debt Relief pen kisiau (apply) thei ta hi.

Bangzah ciang kimai sak ding:

US College leh University khat peuh peuh ah asangkahna uh pan sum leitawi la in tulai tak student loan anei lai te asum leibat neih lai sung pan $10,000-$20,000 ciang dong ki maisak ding hi. Tua lak pan Sangkah lai in Pell Grant akic Kumpi tung pan huhna (piak kik loh ding) a ngah ngei te $20,000.00 ciang kimai sak dingaa, Pell Grant angah ngeilo te $10,000.00 ciang kimai sak ding hi.

Kua te kimai sak ding:

1. Single khat in 2021 or 2022 kum khat sungin a sum thalawh $125,000 pan anuai siah angahte
2. Joint married tawh tax file innkuan khat in 2021 or 2022 kum khat sung a sum thalawh $250,000 pan nuai siah angah ten tua Student loan debt relief ngah thei ding uh ahi hi.
A hih hang June 30, 2022 ma aa student loan sum lei tawi sa te bek kimai sak dingaa, July 1, 2022 khit zawh alei tawi te kimai sak lo ding hi. A siau nuam ten December 31, 2023 dong kisiau thei ding hi. Na siau zawh ciang hong kimai sak ding leh na sum lei tawina company (loan servicer) ten hong sam (contact) ding uh hi.

Student Loan Relief a nuai aa link ah kisiau thei ta hi. LINK Ref: U.S Department of Education. Thomas On Sian Mung (Thomas Mung Guite) Washington DC October 17, 2022