U Kyaw Moe Tun anuntakna lahuai dinmun tung

Breaking: U Kyaw Moe Tun anuntakna lahuai dinmun tung:

Myanmar’s ambassador to the United Nations ahi U Kyaw Moe Tun ii nuntakna lahuai din mun tung aa, ama personal security ding kilim bawl mahmah hi ci in News minthang khat ahi Reuters in genkhia hi.

U Kyaw Moe Tun suallum dingin akikawm pa khat in U Kyaw Moe Tun kiang ah va pulaak aa, tua lai pan Federal Bureau of Investigation (FBI) in tua pa maan uh aa, thu asit lai tak hi ci uh hi. Tulai tak US Kumpi in special security alak sak lai tak hi ci uh hi.

Mi Pawlkhat in belh Galkap misok te in amun tuh nuam uh ahih manin sual lup ding ciang geel uh hi ci uh aa, anung lam pan Sente leh Russia ten zong huh uh ci in news pawlkhat ah suak sak uh hi. Abeisa hun in zong London, UK ah Misok te in Kawlgam Embassy buluh in lencip uh ahih manin US gamah zong tua dan hong ngongtat dinguh kipatau mahmah hi.

Galkap misok ten Ukna buhluh in Kawlgam a uk nop uh hangin tudong ciang taangtung lo bek thamlo in UN leh International ah zong mun ngah nai het lo uh ahi hi. Leitung Gam tampi in National Unity Government (NUG) pen Kawlgam Kumpi taktak dingin akoih zawh nang ahanciam pih lai tak uh ahi hi.

Hong tung ding August 07 (Saturday) ni in zong Washigton D.C ah State tuamtuam pan Kawlgam mi teng kisutuah in Lungphona lianpi kinei dingaa, tualai ah zong NUG Kumpi din pihna leh U Kyaw Moe Tun tawh dinkhopna cih te zong nasia takin neih ding geelna lianpi kinei hi.

More: US President Joe Biden in Myanmar gam tungah gawtna bawlding

Tua bek thamlo in hong tung ding September kha sung in UN ah Misok te palai koih ding maw, NUG te ii U Kyaw Moe Tun mah kip sak lai ding maw cih United Nations Credentials Committee ten vote khia in khensat dinguh ahih manin akua mapeuh in thu ngetna ah phawk tek ni. I Kawlgam mailam hun ding thu ngetna ah phawk tek ni. Thomas Mung