Tulaitak Korea Actors lakpan sumlut tam angah penpen mi 10 te

Tulaitak Korea Actors lakpan sumlut tam angah penpen mi 10 te (Top 10 highest paid Korean Actors List)

Tulaitak leitung gamtuamtuam ah Entertainment pen nisim nuntakna ah athupi Activities khat hongsuakta hi. Adiakdiak in Korea Drama in leitung gamtuamtuam zelgawp a, kideih mahmah hi. Anuai ateng pen tulaitak Korea Actors sungpan in aminthangpen leh sumlut atampenpen te ahi uhhi.

1. Kim Soo Hyun:

Kim Soo Hyun pen South Korean actor minthang mahmahkhat hi a, ama siamna leh kivakna diakpen Drama lamsang ahihi. Aminthan khiatna Drama tepen My Love from another Star, Moon Embracing the Solar, Dream Excessive cihte hiphadiak hi. Drama Episode khat akizaih ciangin sumlut $85,000 ngah ahih manin sumlut atampen Korean Actors in ki ciamteh hi.

2. Hyun Bin

Hyun Bin pen tulaitak TV Drama tuamtuam tawh leitung ah aminthang mahmah Actor khat ahihi. Aminthan diakna Drama tepen My Name is Kim Sam-soon(2005), The World That They Live in (Worlds Within) (2008) leh Secret Garden ‎(2010-2011) cih Film te ahihi. Hyun Bin pen Episode khat akizaih ciangin $84,000 tawh kicial hi.

3. Jo In Sung

Jo In Sung zong Korea gamsung ah aminthang mahmah Actor khatmah ahihi. Amah pen What Happened in Bali (2004), That Winter, the Wind Blows (2013), It’s Okay, That’s Love (2014), ADirty Carnival(2006) leh AFrozen Flower (2008) cih Drama Film te ah minthang phadiak hi. Episode khat akizaih ciangin $71,000 tawh kicial cihi.

4. So Ji Sub

So Ji Sub pen Model tawh hongki pankhia masa hi a, tuapan in damdam in Actor asem ahihi. Aminthan diakna Drama File tepen I Love you, Cain and Abel, Phantom, Master’s Sun and Oh My Venus, Rough Cut cihte ahihi. Lasak lamsang Hip-hop EPs zong tampi hawmkhia hi. So Ji Sub ii Episode khat sumlut pen $67,000 ahihi.

5. Lee Min Ho

Lee Min Ho pen “Boys over Flowers” cih Drama tawh hong minthangkhia hi a, Model, Singer leh Actor avekin simkawikawi hi. Metropolis Hunter, Private Religion, The Heirs and Gangnam Blues cih Drama Films tetawh minthang phadiak hi. Finest New Actor award leh Baeksang Arts Awards cih pahtawina tezong a ngahkhat ahihi. Episode khat akizaih ciangin sumlut $58,000 ngah hi.

6. Lee Seung Gi

Lee Seung Gi pen siamna tuamtuam anei “multitalented person” khat ahihi. Ama kivakna tepen Singer, MC (Master of ceremonies), Entertainer, Actor cihbang ahihi. Kum 20 aphakcillai in amelzong hoih ahih manin minthang phadiak kici hi. Amahpen Episode khat akizaih ciangin $58,000 sumlut ngahhi.

7. Yoo Ah In

Yoo Ah In pen TV series Sungkyunkwan Scandal (2010), Coming-of-age film Punch (2011), Melodrama Secret Love Affair (2014), Action blockbuster Venteran (2015), Period drama film The Throne (2015) leh Six Flying Dragons ‎(2015-2016) cih Drama Film te ah minthang phadiak hi. Yoo Ah In pen Episode khat akizaih ciangin $58,000 tawh kicial hi.

8. Lee Jong Suk

Lee Jong Suk pen Model leh Actor minthang mahmahkhat ahihi. Vogue Week kici “Seoul Assortment Program” ahzong akhangmoi pen Model khatzong ahihi. Sympathy cih Movie tawh hongki theikhia masa a, tuapan in hong minthang semsem hi. Physian Stranger, College 2013, Pinocchio, I can hear your voice cih Drama Film tezong ama kihelna aminthang diakte ahihi. Lee Jong Suk pen Episode khat akizaih ciangin $50,000 tawh kicial hi.

9. Song Joong Ki

Korea Drama Series lakah “Sungkyunkwan Scandal” kici pen minthang mahmah a, tuasung ah Song Joong Ki zong kihel hi. Amahpen Exibhits, Events, Shows cihte ahzong akizang mahmah Korean Actor khat ahihi. Descendent of the Solar, A Werewold Boy and Decendent cihte tawh kithei phadiak hi. Song Joong Ki pen Episode khat akizaih ciangin $50,000 tawh kicial hi.

10. Ji Chang Wook

Ji Chang Wook pen “Smile once More” cih Korean Drama tawh hong minthangkhia mahmah Actor khat ahihi. Dankook University panin sangman hi. Warrior Baek Dong-soo, Empress Ki, Leh Healer cih Korean Drama te ah minthang mahmah hi. Episode khat akizaih ciangin $42,000 tawh kicial hi. Ref: Worldtopbest

Episode khat ihcihpen Korea Drama Series a enen te’n ihtheihsa mahbangin tommahmah lel hi. Tua atomcik Episode khatpen US Dollar sumtampipi tawh kicial uhhi. Korean Drama Series tepen atamzaw Episode 20 panin 60 bang phatheiden ahih manin, hih Korean Actors te sumlutpen tawmhetlo cih kimuthei hi. ZD Sawltak #zomidaily