Tulai Natgual Dozia Ding

Tulai Natgual Dozia Ding

Tulai Zogam ah natgual laang mahmah in innkim phial ah kituk dimdem hi. Natgual ngeina zong omding a, Covid mahmah zong tampi in kingah ta hi. Siavuan kahih loh hang kei zong ka tuahkhak thu kathuak ngiat thu ahih man in natgual do zia ding tawm kong gen nuam hi.

Siavuante’ Genna ah bel nisim in C-vit leh simalhza ahi aspirin nek huai ci uh hi. Thaza pen Nam Khat val nekhuailo ci uh hi.
Kei’ Tuahkhakna ah:

Sung pai pen kisih baih tuak kasapen hi. Asun azan in pai hiaumawk ahih man in tha Bei mahmah hi. Datsa tui bekbek nek kul hi. Ih duh zong om vetlo Lai ahih man in ih tha bei dandan hi.

Metro athawlpi a kakikhai hang in pai veve ahih man in atawpna teh Zavom kanek leh Hong khawl thei pan hi. Kum tampi Zogam ah Zavom kiciinlohna ding ka hanciam hang tutung in Zavom in ong honkhia hi lehbung hi.

Bukkhuh

Sungpaina khit teh buainapi nihna pen Bukkhuh ahi hi. Tonzang ah India pan a kibawl Corex na om bilbel ahih man in tua tawh ka suakta hi.

Oxygen Vai

Ih gam ah Oxygen bung kicing hetlo ahih man in tua mah lung himawh huai pen hi. Cylinder te nai 4 khawng bek kizang thei ahih man in zan khat bung tampipi bei thei hi. Hithei leh mei/meiset tawh kizom Oxygen concentrator te neizo leng lungnop huai pen hi.

Ih oxygen bangzah hiam cih atehna SPO2 tehna zong neih huai hi. Ahoihte tul 50 bang man hi. Oxygen ciil theihna ding khupbawh kul hi. Ih gimluat leh siklup ding cihdan hi. Oxygen bung a omkei leh cihna hi a, Oxygen bung om leh hoih pen hi.

Nek le Dawn

An duh kei taleng ih sung apai laisiah buhcim siang nek ding hi a, datsa tui tampipi dawn ding ahi hi. Tulai natgual pen aksa tawh kilemlo lailai ahih man in kidop huai hi. Sung hoih masiah buhcim siang bek mah nek ding hoihzaw hi.

Ka tuahkhakna pan tawm kong hopsawn hi. Siavuan Hilo kahih man in Siavuante’ gendan tawh akituah kei leh amau’ cih zuih huaizaw ding hi.

Tutung ka damloh nipi Kal 3 sung vilvel zato Lum zah mah a hong Vaan tanghtangh Tonzang siavuanpipa Dr. Thang Sian Khai’ tungah ka lungdamna lian mahmah hi. Ama’ hang a nuntak lawh kahi hi. Topa Aw Zogam Hong Veh Ta In~ Lungdam, Mung Laan Thang (Tonzang, Zogam)