Tulaai leitung thuthang tuamtuam Updates November 24, 2016

Tulaai leitung thuthang tuamtuam Updates November 24, 2016

* Zomi ten ingaklah mahmah ahi A (3) veina GZA Khawmpi Zomi te Khuapi thak ahi Yangon Khuapi ah kipan ziahziah ta a , Forum tuamtuam, Zomi maban cihte kikum ding in Leitung Kiu-4 pan Zomi te kikaaikhawm in igam zuan zihziah uhhi.

* US President kiteelna November 2016 tawh kisai in anunung peen thu suah State Election Committee in November 23,2016 ni in bawl uha, Popular vote kici mimal meetang ah Clinton in Trump sang in 2 million in tam ngahzaw hi. US thukhun ah Electoral Vote kizang zaw ahihman in Electoral vote Trump zo mawk ahihman in amah President ding ahi hi. Mimal Vote: Clinton-63,515,588, Trump-61,917,320 hi. AFP

* US President kiteelna na November 8,2016 ni in meetang gukna omding hi cih ki upmawhna ahi Pennsylvania state, Michigan state leh Wisconsin state ah Mee tang simding in Tea Party Candidate Jill Stein makai in Campaign bawl uha akisam sitni kawm anding $7million peen kingahta hi ci in November 24,2016 ni in taangkokhia uhhi. Pennsylvania peen $500,000 bei in sitni kawm uha, November 28 ni simkik ding, Michigan peen $600,000 bei in sitni kawm uha, November 30 ni simkik ding uhhi. Wisconsin peen ani kitelnailo hi. Zawh lelh athupi hilo in US gam ah thuman kideih ci in Stein in genkhia hi. AFP

* Iraq gam Baghdad khuapi a om Shia Muslim te Biak ah November 24,2016 ni in bomp puakkham a mi 80 vaal si in 100 vaal liam uhhi. Hih bomb puakkham sak peen koma mission ci in IS misok ten taangkokhia pah uhhi. BBC

* Sen gam Jiangxi province Fengcheng khua sung ah November 24,2016 ni in Innpi akilam saan laitak khat kicim mawk a, mi 67 bang sikhin in tamsimsim kivuk nelh ahihman in thunei ten honkhia laitak uhhi. RT

* US President teelthakna angah Donald Trump in US ai-awh in UN ah Palaaipi aseemding in India gam Punjab Nikki Haley Kum-44 teelkhia giap hi. Nikki Pa te peen India gampan hi a 1960 kum in US gam onglal uhhi. Zomi te zong sawtnawnlo ding cih upna tawh la in tha nangah mahmah ingh. VOA

* Shan Gamkhunlam Muse-Bamaw-105 Mile dung kawlgam damiah leh Mualmi paltan te kikaal buaina nasia seemseem a November 24,2016 ni in Kawlkumpi te in Shan gam leihoihza ding Gaalkaap-damiah alomlom in vanleeng tawh khia ziahziah uhhi. Mipi gaaltaai lah tamsemsem bekthamlo Sen te gamsung nangawh ah thautang kiata ahihman in Sen ten neh et mahmah tading cin November 24,2016 ni in genkhia uhhi.

* President Donald Trum in ama makaih kumpithak sung ah Secretary of Commerce sum ding in Sumhaupi billionaire Wilbur Ross kum-78 sehding in ci in November 24,2016 ni in heem gen hi. Amau geel peen November 20,2016 ni in holimna neikhin uhhi. Wilbur Ross in company lian mahmah 13 tak nei hi.CNN

* Syria gam khunglam a phualsaat Turley gaalkaap phualpi Syria gaalkaap ten November 23, 16 ni zanthapaai nasim ek in Turkey gaalkaap 3 si uhhi. Hih thu hang in akisap leh Syria gam nasiatak a dopah ding in Turkey gaalvaan leeng F-16 te kiging kingkengsa in omding in thukin taangkona nei ta uhhi.CNN

Thang Khawm Pau ZOMi
Bowling Green , Kentucky, USA
Cell- 270 -217 9593
Personal [email protected]
School [email protected]