Tulaai Leitung Thuthang Tuamtuam Updates June 3, 2015

Tulaai Leitung Thuthang Tuamtuam Updates June 3, 2015

· US leh apawlpih ten IS te ado zawh uh kha 9 cingta a bangtak do liang a zo thei mahmah lo uhhiam ci in akiphunsipsip kawmkaal ah kha 9 sung in Syria gam leh Iraq gamsung ah IS migilo 10,000 kigozo hi ci in Deputy Secretary of state Antony Blinken Paris khuapi pan June 3,2015 ni in genkhia hi. BBC

· June 2,2015 ni a China gam Yangtze gun sung a kibung tembaw tungtuang misi 18 kimuta a, ahing in mi 15 kihonkhiazo bek in adangteng Gunpi sung ah mangthang laai hi. Kumpi thunei mizong ten asun azan in zong uha, kum 43 apha nupi khat nai 10 sung tuipi sung ah aom ahing in June 3, 2015 ni in honkhia zo uhhi. Hih Tembawpi peen Dongfangzhixing kici a 76m sau in Tonne 2,200 gik ci hi. BBC

· South Korea gamte in North Korea gam adeihdeih na kaap theih lianlian nading Thaupi khat akizangthei mahdiam ci in June 3, 2015 ni in asin uhleh genbaang hetlo in angimna mun khalian thei hi. Hih Thaupi peen Km500 mitphoi sakse kuullo in kaapthei ziau a asin laaitak un President Pak Geun-hye in ageipan va en ci hi.VOA

· Leitung Tukpeeng kipawlna FIFA nasemte sung ah golhguuk neekna hang in nungkaal sung in Switzerland gampan makaai 7 kimana, hithu te hang in FIFA President Sepp Blatter kum 79 zong nasiatak kisit laaitak ci in US kumpi thunei te in June 3, 2015 ni in taangkokhia uhhi. Mr Blatter peen June 2,2015 ni in President pan akhawlta ahihi.BBC

· US gamsung asusia nuam Khamul te daalna in mipi phone kihona US kumpi ten angaihsim na uhtawh kisai thukhun May 31 ni in ciangtan beita a zomlaaiding maw khawlsanding cih Parliament ah nasiatak akikupkhit uhciang June 2,2015 ni in zoplaiding in kithukim uha, June 3, 2015 ni in President Obama in kipsakna suaikaaita hi. Phone tawh kiho a ipau bangbang kumpi ten nakeemsim in ongsulzuihthei ding uh ahihman in kidophuai mawhlo hi.CNN Lungdam, Thang Khawm Pauzomi