Tulaai Leitung Thuthang tuamtuam Updates June 27,2016

Tulaai Leitung Thuthang tuamtuam Updates June 27,2016

• Pakistan gam leh Afghanistan gamgi dung IS te mula in gamlum simsimta uh ahihman in Afghanistan gaalkaap ten June 26,2016 ni in avui atang tawh nasiatak in banzial uha, IS migilo 135 vaal leh Azalian pi khat golum uha, tamsimsim liamsak uhhi. Langnih kido himawk ahihman in Afghanistan gaalkaap te zong mi 12 si ci in Afghanistan kumpi te in taangkokhia uhhi.VOA

• Syria gam Qourieh khuapi Russia leh Syria gaalkaap te kipawl in IS te cih paulap kawm in Vanlam pan June 26,2016 ni in Beeltung khiatkhawm uha, Bomb tang in IS khalo citciat in mawhna neilo numei naupang mi 45 in sihlawh mikmeek uhhi. 2011 kum pan kikaal Syria gam buaina hang in mi 280,000 sikhin ta uhhi.VOA

• UK ten EU Lawm pan khawlding khensatna aneih khit uhciang Pound man zong kia hethet ahihman in gampawlkhat sukha to hi. Hibang in UK te EU pan apaikhiat sawm hang in French President Hollande leh German Chancellor Makel ten kiptak kiletkip ding in June 26,2016 ni kithukim uhhi.BBC

• Singapore Airline Boeing 777 mi 222 leh Vaanleeng naseem mi 19 apua Vanleeng pi khat June 26,2016 Ni in Singapore gam Chengyi Vanleeng tualpan Milan manawh in aleenkhiat zawh nai 2 kiim pan Vanleeng set kaang mawk ahihman in si le naang in kileh kik a thukin tak in lei tuman sam ban ah khualzin teng asi aliam omlo in honkhia zo uhhi.BBC

• Leitung Tukpeeng kimawlna ah amaaitaai haat siam manlang mahmah Argentina leh Barcelona Club te Maaitaai muan mahmah Lionel Messi kum-29 in Copa American Final ah June 26,2016 ni in Penalty khumlo mawk ahihman in nasa mahmah a Leitung Tuakpeeng kimawlna pan kakhawlta ci in taangki ngiau hi. BBC Lungdam, Khawm Pau