Tulaai Leitung Thuthang Tuamtuam Updates August 3, 2015

Tulaai Leitung Thuthang Tuamtuam Updates August 3, 2015

ü Tusung teng Kawlgam tuikhanna hang in August 3, 2015 niciang misi 46 phata a akimuzo nailo honpikhat omlaaiding ci in UN ten genkhia uhhi. August 1,2015 Pu Thein Sein Kawlpi Vanleng tawh vapai a, Tuitupna teng ava etet khitciang huhhuai cihtawh nusia hi. Kawlgam Democracy Makaaipi Pi Suut Cing ( Aung San Suu Kyi ) in kapumpi kongpai nadinglah Vanleeng neinaailo kahihman in Kanu khutma pan ci in Angtang leh Sumtang pawlkhat khenkhia ziau ahihman in 100% Mark ngahziau hi. Kawlgam ah tuikhangtawh micimawh limlim Teng 2 valta ci uhhi.Tuaban ah August 3, 2015 ni in ama bantan tuikhang micimawhte omna Pago cihte ah gunkuang neutawh vahawh in tha vapia kawikawi hi. Tutung a Tuikhan na ahang peen Komen Cyclone kici huihpi leh guahpi hang hia, Kawlgam bel hilo in India,Bangladesh,Nepal gamteng zong nawkto hi. India gam ah mi 48 si in 3.9 million in cihmawhna thuak a, Bangladesh gam ah 21, Nepal gam ah 27 cihbang in sihna kituakto hi. VOA

ü Akizom to in igamveng tea hi Thailand gamte khuapi ahi Bangkok khuapi peen akiang a guntui tamlua ahihman in Bangkok khuanawl a tuidaalna puakkham in Bangkok khuazang tui in vuknelh theikhading ci in Thailand mipil ten August 3, 2015 ni in gen uhhi. Kumpi thunei te zong patau simsim ta uha Mipil thuthei te neh henhen ta uhhi.VOA

ü Syria gam Idlib Province sung Ariha khuapi sung Vanzuakna phualpi tung ah August 3, 2015 ni in Syria kumpi te Gaalvanleeng khat kiasuk ek a, Vanlei a kileh ziahziah mi 27 si pah in 60 kiim in liamna baaina thuak uhhi. Syria kumpi in hibang mipi te athakhak ziauziau peen tukum bekbek in 500 kiim cingta hi.BBC

ü India gam ah Tapong ateek tangpawl ahi Naga Singnuaimi te leh India kumpi te in August 3, 2015 ni in New Delhi khuapi ah kangnih thukimna Suaikaihna thupi khat bawlthei uhhi. Naga Singnuaimi lampan in Makaaipi ahi Thuingaleng Muivah vakah hi. Bangteng lian kithukim uhhiam cihthu taangkokhia naailo uh ahihman in kuaman kithei nai lo hi.BBC

ü Kawlgam sung a Tuikhanna huhau a cimawh mite Angtang tawh huhding geelna anei te atawmman theipeentawh Angtang leisakding ci in Kawlgam Buthang kibawlna te in August 3, 2015 ni in taangkokhia uhhi. Zomi apiakhia nuamten theihuai khading in ummawh ing. RFA

Lungdam, Lainongsim sak
Thang Khawm Pauzomi