Tulaai Leitung Thuthang Tuamtuam updates April 16,2016

Tulaai Leitung Thuthang Tuamtuam updates April 16,2016

ZCD MP aom thei teng leh Minister Pu Pau Lun Min Thang te Cikha Khuazang in April 16,2016 ni Ann neekpihna nei uha, Cikha kuam a agolpeenpeen Sial Talpi gawh uhhi. ZCD Info

Yangon Khuapi ah kumsim akibawlden Tuibuah pawi ah Khuasung Ulian te sapna tawh Zolia, Zotaang,,Zopu, Zopi te valaam uha, Ipuan lah hoih Zomi lah picing,Lam lah siam uh ahihman un akhatna ngah in ks/500,000 leh Pahtawina Sikkawipi khat ngah uhhi. Mapang TA, Zomus te thupi mahmah uhhi.

Ethiopia gam leh South Sudan gamgi ah April 16,2016 ni Thautawi pawlkhat in Ethiopia mi 140 that in Naupang 39 hingmat uh ahihman in Ethiopia gaalkaap ten nungdelhpah in Thautawi mi 60 that in adangteng um laaitak ci in Ethiopia thunei ten gen uhhi. BBC

Ecuador gam Quito khuapi April 16,2016 ni 7.8 Magnitude haat in zinling ahihman in Inn tampi Kicim zihziah a tuciangciang misi 28 kisim thei in Kumpi thunei ten thukin tak in huhna apiak laitak ci in President Jorge Glas in taangkokhia hi. Misi peen kibeh lap toto ding ci uhhi. CNN

Abeisa ninih sung Japan gam Kyushu tuikulh tung nih vei zinlin na hang in tu in Khuahun siat kipan mipi 240,000 te mundang kihemkhia ding in Kumpi thunei ten April 16,2016 ni in thupia uhhi. Ahangpeen khua damlua guahtamlua ahihman lauhuai ci uhhi. Hih zinlinna hang in mi 49 vaal si in 2,000 Liam a 200 gim mahmah uhhi. CNN

Uruguay gam April 16,2016 ni in genkhol lopi in Tornado huihpi leh guahpi kithuah in nawkgawp ahihman in mi 4 sipah a, Mi 200 in liamna baaina nasia tak in tuak uhhi. BBC

Lungdam
Thang Khawm Pauzomi