Tonzang gam, Tuikhiang khuagei ah mawtaw tuahsia

Tonzang gam, Tuikhiang khuagei ah mawtaw tuahsia

Tukha 27 ni zan in Tonzang gam Tuikhiang khua gei (Mualkawi lam) ah mawtaw khat tuahsia in asung a tuang mi 2 te in hong nusia uh hi. Hong nusia ih sanggamte pen Pau Ngaih Lian (Tedim) leh Lian Suan Thang @Thangpi (Tonzang) te ahi hi.

A mawtaw nei pen Kawlpi a teeng Pu Michael Suan Lam Pau @ Michael Pau ahi hi. Landcruser hi. Haiciin khua ah tuma kha 3 val lai a anusiat alading a acial ahi hi. Haiciin pan hong ciahlam uh atuahsiat madeuh uh 27 ni nitak nai 7:00 in Tuikhiang ah tawmvei sung lam baang man lai uh hi.

Tedim atun theihloh uh ciang un mawtaw neipa lungnuamlo in ZYA-Tonzang tung leh khua tuamtuam a ZYA te’ tung ah ong ko hi. Kan theih bang in kikan a atuahsiat lam uh tuni nitak nai 3:00 pawl in kithei pan hi

ZYA-Tonzang mawtaw tawh aphual kidelh pah hi. Adah akap khempeuh Hehnemsiam Huhpa Khasiangtho in Ong hehnem kim ta hen. Mung Laan Thang (Secretary, ZYA-Tonzang, Tonzang, Zogam)

Tuni Bel Khua Phata. Ahih hang;

– inn kiphel pawlkhat om. Tonzang khuasung ah Sitpyan lan ah akiphel pawlkhat om in lam lianpi (Bogoke road) ah zong nidang in akiat pahpahna mun (thadah mual khang phei teng) tawm kia leuleu hi. Tuitum leh Nakzang ah zong inn kisia pawlkhat om hi.

– Mun khempeuh pan tuisam phul ziahziah lai ahih man in luituite tam mahmah lai hi

– Vialcian khuasak leh Tonzang khuasung a men kicimte zan ni mah in hausapa Pu Thang Khua Lian’ JCB te’n vanil pah ahih man in zan nitak in mawtawte hong lutthei ta hi.

– Tedim lam pan lutcilna kongpilui gei a datsi sai NLZ (Nang Lian Zam) leh agei a Pu Khup Vom ta amun khang (crack) ahih man in zan nitak in kizan tuah hethat uh hi. Sai thak mun ding akitel masiah ahithei bang in athawl tawh zuak phot mai uh a kuamah bel giak ngam nawnlo uh hi

– Tulai lampi ah gal kidona a om theih zeuhzeuh tawh vanmanh nak khan mahmah kawmkal ah hih bang thu hong om sawnsawn ciang in hong lungzin huai mahmah hi. Ih thungetnate Pasian in hong dawng in tuni Ni Hong tangkik ta ahih man in tawmkhat ih lung nuam zawdeuh hi. Mung Laan Thang (Tonzang, Zogam)