Tui pailo ahih manin Malaysia ah Christmas kinam philphelthei

Tui pailo ahih manin Malaysia ah Christmas kinam philphelthei

Malaysia, Klang Valley sungah tuni akipan tuisik nawngkaina kipan taktakta hi. Hihvai tawh kisai in mipi pawlkhat in kumpi thunei te tungah dotna nei uh a, banghang in Christmas tunmadiak in hihbang in tuizawn puahphatna Maintenance kibawl sesehiam kici hi. Kumpi thunei te dawnkikna ah hih Maintenance bawlding anipen thutampitak aki ngaihsut ciangin tuni hoihpen, lempen kisa ahih manin akibawl hi ci’n kidawngkik uh cih NST pan kiza hi. (Note: Klang leh Klang Valley kibanglo hi)

TNB (Tenaga Nasional Berhad) te’n Kuala Selangor aom “Main Intake Substations” ah puahphatna Maintenance abawl uh ahihi. Hihbang in ani khentat nading in Energy, Green Technology and Water Ministry leh Agencies tuamtuam tetawh kikumkhawm in aki khentat hi ci’n Ministry’s Secretary-general Datuk Seri Dr Zaini Ujang in genkhia hi.

Maintenance bawlniding thukimna Agreement pen Selangor Economy Planning Unit; the National Water Service Commission (Span); the Energy Commission, Selangor Water Management; Syarikat Pengeluar Air Sungai Selangor (Splash) leh TNB tetawh aki kumkhawm cihi.

Ataktak in hih Maintenance bawlding pen October 31 ni akigeelsa hi a, ahi zongin vaituamtuam hangin tuni December 19 ni in aki khinto cihi.

Tua ahihleh banghang in Christmas leh New Year khitdong ki khinto theilo hiam cih akidot leuleu ciangin tuadong khintoleng siatna tampi piangthei zawding ci’n thuneite’n dawngkik uhhi.

Hih Klang Valley sung tuisiatna hangin khuasungmi 3.9 Million bangin thuaklawh, buailawh uhhi. Tuisiatding pen ni 4 sungbang akizom in siasuakding kici a, Saturday December 24 ni khawngciang in hoihtak paikik panding kici hi. Kumpi thunei Dr. Zaini inbel lunghimawh kei un, Christmas ma in tui ki ngahkik dinghi ci’n genkhia cihi.

More: US gam Indianapolis khuapi ah Chin te mi 70 kim Gangster ah lutta

Christmas pawibawlding hong nawngkaisak uhhiam cihhuai dekphialleh kilawm mah hi. Tukum Malaysia aom te’n Christmas namphilphelsa in akibawlding dan hihtuak hi. Tuikhuk khawngleh luitawi khawng tawipakni cih hilomawk in, Bawngkhawng agawhsawmsawm aomlehbel tui paikei mawkleh lemhetlo khading hi 🙂 ZD Sawltak #zomidaily