Trump in US Defense Department Budget khansaksawm

Trump in US Defense Department Budget khansaksawm

Feb. 27, 2017: US President Trump in new fiscal year thak ah defense lamsang ah sum tam zatna dingin ngimna nei hi. Tua dingin Environmental Protection Agency leh State Department a sum zat tang ding pawl khat eu khia-in tua sumte pen Defense Department budget dingin zat ding geelna nei hi ci-in Trump’ administration senior officialte tung panin thu kiza hi ci-in zan in New York Times newspaper in suaksak hi.

Trump in Defense Department budget khan’sak ding geelna a neih hangin hih deparment ah sum tam a kizat beh tuam hangin Social Security progam panin pension khin sa ten phattuamna a ngahte uh (retirement benefits), Medicare leh Medicaid a sum kizangte kilawng kha lo dinga, ahih hangin social spending articles vanzatte tawm kizang tuam kha ding hi kici hi.

Tu kha bulin Trump in American khangthu adingin kidalna (defensive) leh a dona (offensive) lamsang thahat sakna dingin galvan lamsang nakpi in bawl khiatna ngimna “greatest military buildups in American history” kici a geelna na pulak khia khin zo hi.

United States ipen NATO member lak panin galkapte sum zatna lamsang ah tam a zang khia pen hi a, nung kum in a Gross Domestic Product (GDP) uh defense adingin 3.6 percent na zang bei uh hi.

US historians ten Trump pen US President tangthu adingin President tom len pen hi ding hi ci-in gen khol uh hi. Source: Sputnik/ Thang Khan Lian