Trump in geelna bangteng nei masa hiam?

Trump in geelna bangteng nei masa hiam?

Jan. 25, 2017: 1. US President in geelna (agenda) masak ding pawl khat na nei hi. Tuate pawl khat en pak dih ni.

1. US kihel in gam 11 tawh sumbawlna thukimna Trans-Pacific Partnership deal (TPP) kici panin US phel khiat ding hi a cih zanhal in phel khia ta hi. TPP in leitungbup econmy pen 40% na huam zo hi.

2. Energy lamsang ah US in energy (meitha) bawlna dingin suangmeihol (coal) zat ding leh suangmeihol zatna panin sepna (jobs) a bawlna ding geelna na nei hi. Hih bang geelna a neih manin environmental activists ten nakpi takin a geelna na mawhpaih uh hi. Obama in 2015 in suangmeihol zat lohna dingin “Clean Power Plan” kici a bawl laih ding geelna na nei hi.

3. Defense lamsang ah USte galkap lamsang leh thusim kepbit theihna dingin gam dang ten USte thusim cyber tawh a suam (attack) ding dalna in Pentagon leh Pentagon Join Chief of Staff in hih bangte dalna dingin na a sepna dingun thu na pia in, geelna na nei hi.

4. Ethnic Reform lamsang ah kumpi nasem hi napi-in amau summuhna ding bawl ding leh amau phattuamna/meetna ding bawlte (lobyists) tungah khalna (sanctions) kum 5 koih ding na geel a, gamdangte tung panin amau mimal phattuamna dinga sum ngahte tungah tungah a nuntak hun sung teng uh khalna koih ding hi cih geelna na nei hi. Kumpi nasem uliante tungah hih banga gamta tungah US Congress in khalna a piak ding hi cih geelna na nei hi. (US uliante pen thusitna leh dan tawh kipel theihna ding hamphatna na nei uh hi).

5. Regulations lamsangah gam ukna tawh kisai ngeina bawl khiatna leh thu bawl phatna (regulations) om sa nih phiat ding na geel a, regulation 70% khiam suk dingin geelna na nei hi. Tua pen company leh middle class kicite tungah siah kilate khiamna geelna ahi hi.

6. Immigration (gambeelte) lamsangah visa thanghuai taka kizatna (abuses) kan phat ding geelna na nei a, election hun ah a vote zon lai-in Mexico-US gamgi ah kulhbaang (wall) bawl ding a tangkopih hangin a lampang leh a gensia tam mahmah a, hih thu gen bel in nei nawn lo hi. Muslim gam panin gambeel dinga US hong lutte bel khak ding hi cih geelna na nei hi. Source: The Hindu/ Thang Khan Lian