Malaysia gamsung ah palik te’n khamtheih guihtheih akibawlna Laboratory khat buluh uh a, mi 18 mankhia uh cih theSun Daily in genkhia hi. Hih khamtheih zatui akiman pen avek in RM1.4 Million bang manneiding ci a, amatkhiat zatui bawlte lakahzong Thai gammi numei khat kihel cihi.
Khamtheih guihtheih tawh kisai akankhia ahi Special Tactical Intelligence Narcotics Group (STING) te in Friday ni in Pahang leh Kedah State te ah nai 24 sung Operation (Operasi) bawl uh a, amatkhiat uh ahihi.
Federal Narcotics Criminal Investigation Department panin Director Comm Datuk Seri Mokhtar Mohd Shariff in agenkhiatna ah hih Operasi panin akiman tepen akum uh 16 leh 55 kikalpawl vive hi ci’n genkhia hi.
Cameron Highlands aom Blue Valley akicihna munah palik te’n buluh uh a, tuamun bekbek panin mi 7 mankhiapah uh cihi.
Tuakhit ciangin Kedah State sung aom Langkawi leh Changloon khuate paninzong numei 7 leh pasal 4 mankhia leuleu uh a, tualak ah Thai gammi numeikhat kihel hi ci’n Bukit Aman Police Headquarter ah Mokhtar Mohd Shariff in tuni in genkhia hi.
Guihtheih khamtheih amatkhiat te uh ahihleh Syabu (2.1kg), Ganja (247.1kg), Heroin (4.4kg), 3,612 Ecstasy Pills leh Chemicals pawlkhat banah zatui bawlna van pawlkhat zong mankhia uhhi.
Tuakhiat ciangin mawtaw hoihmahmah Luxury Cars 10 leh sumtang inzong RM637,000 zong matkhiatsak uhhi. Police te’n amatkhiat te uh thusitna kalkhatsung neidikdek photding uh cihzong kiza hi.
Malaysia gampen amau biakna tawh kizui in zu dawnlo cihsam hangin, khamtheih guihtheih zatui tuamtuam azangden mi tampitak omkhinkhian hi. Khamtheih zatuizang bekbek akiman 36,638 phakhin a, tualak ah zatui azuak pen mi 3745 ahihi. Zatui zangtaktak hi ci’n aki Result aki theician pen mi 24,546 pha cimawk hi. ZD Sawltak #zomidaily
Comment piaknop aomleh...