Thuthak Tomkimcing 4 Sep 2014

Thuthak Tomkimcing 4 Sep 2014

A. Khantoh nasep nopzia kikeel kii.

Myanmar kumpi Thein Sein EU gam mun thum sung ah  va zin ahihi. Germay gam kumpi  Angela Merkel tawh kimuhna nei thei uh a, Tua mun Myanmar gamsung  mimal khat khankia dong khantoh nading tawh kipawl in Myanmar lam pan leh Germany lam pan in gen tek na bawl tuak  uh hi., President Thei Sein leh President Merkel athu uh kilehngat kikeel kituak cih Germany’s Merkel, Burma’s Thein Sein loot at  Development Differently  ah thuthak gelh ten phuang khia uhi. Germany in Myanmar kamvai khak khat nei a nakhantoh nop uhleh lem kilemtak in om masa un ci giap hi. Wind Park (Energy Sufficient Feldheim Village) cih na huih tha tawh mei lak na zong va en hi.

B. Samsung mai nih nei  Galaxy Note Edge kitangko.

Zomi nam sung thukinial nalam akikhan mahmah hunsung in Namdang te zong Technology lam na khangto mahmah hi.  Tu in Samsung   te in mainih nei Galaxy  Note Edge  pen asung lam ah Galaxy Note 4  bulphuh in bawl khia uh a, veilam  160 Pixels aom Resolution  1600x 2560 ah khangkhaan to sak hi. Smart phone na lock hun teh  apaangbil munsan ding ah  Notification  hong lak ding ahi.  Amai ah wake na bawl hun ciang in  abil te ah Flashlight Shortcut  leh lamtang git  te in Notication te hong lak letlet ding ahihi. Tua ban ah thuthang athak te hong lak den ding a, Screen tampi kikhelsak ban ah Mutitasking  na bawl nading lemtang ding hi.

C. Al- Qaeda  ten India ah pawlmi teh koih tading.

Leitung ah migilo kipawlna aminthang khat ahi  Al-Qaeda te in  India gamsung Myanmar tawh kigam kinehnai simsim na mun  khat ah amite uh koih ding uh cih thuthang hi. Al- Qaeda Makai Ayman al- Zawahiri in agen na ah India gamsung om Islam  biakna thuzui te kitheh thaang om lua ahih man in kingawm ding cih thu om ahihi. Thakhat in nasep kipan pah lian ding hilo in abulkip mun hoih zon kul cih Mujahedeen  phuang khia hi. Hihthu tawh kipawl in Urdu kampau tawh 4 Sep 2014 genkhia na thuthang khia hi.

D. Falam Zato pi ah  JCB kibungh vai in aliam te kipuak

Zogam ( Chin) State  Hakha pan Falam azuan  in apai Ramthalo khua atun uh mi Lalrama  kum 30 in ahawl JCB  Hakha khuapi huam Chunchung khuangei 106/2-3 kikal hawk guampi sung 150ft ah kilumlet veva sa in om a, aliam te Falam zato puak cih kiza hi.

E. Chin State ah Mimal tawm pen Party tampen.

Hongtung ding Myanmar gamsung kiteel pi na ding ah Mualtung mi party 67 kumpi theihpih phalna om zo hi. Tua te lak ah Chin state sung mimal kisimna ah atawm pen leh namkee tam pen ahih ban ah Gam leh Nam Party zong tampen kik ahi. Tua in ZCD, CNDP, CPP, KNP ( Khumi) CNLD, KNDP,(khami) kihelta hi. Hau Thang