Thuthak Tomkimcing 2 Aug 2014

Thuthak Tomkimcing 2 Aug 2014

A. Ooreedoo Simcard theihhuai

Ooreedoo simcard Myanmar gambup ah 15 August ni ciang in khuapi 62 huamsung ah leitheih ding in kihong khia ding hi. Myanmar gam bup khuapi huam 420 ah simcard 32,0000000 kisem khia ding cihi.

Simcard sung ah top up 3000/-, 5000/-, 10000/-, 20000/- omding hi. Ooredoo network khat leh khatminute’s 900 sung leh (message) 900 , Internet 20 MB akonkhawng in zat theihna om lai ding ahihi. Ooreedoo leh Ooredoo kizopna ahih leh minute khat teh Kyats 25/- hiding a, Tualo adang te tawh kihona te ahih leh kyats 35/- hi ding hi. Internet 1MB teh kyats 25/- hi ding hi.

B. Nupa kitawng a inn uh mei tawh hal

Magwe gamhuam Ngapee myonee Tha nuang santaih khua U Myint Lyiang leh Daw Myint Kyi te nupa kitawng uh a, asinso tuak mahmah uh ahih man in 1 August zinglam daak 7:30 hun in inndawl nih aneihsun uh mei tawh hal tum uh hih man in U Myint Lyiang Ngapee myo palik te in Pah/ 50/2014, 436 thubawl in man uhhi.

C. Thum ki ngawm’ Khat kimuhna ding vai

Myanmar kumpi, Mualtung singtang galhiam tawi te leh gamsung Gamvai party te kimuh kopna thum ngawm kikhat omloh in vaisiang thei lo ding cih thumuh na kibeh lap leuleu ahihi. NCCT in Laiza ah ni 5 hunsung in Kumpi thu sun ding thu 10 ngah khia uh hi.

August 3 in NCCT leh MPC te kizawl tuah kik lunglung ding uh cih kiza hi. Vai siang in tualgal dinkhawl na minkuih nading kha nih zekai lo ding in Pu Dr LH khong in gen khia hi. Gamdaih lungnop na khua hun hi ta ahih man in Chin state sung zong sumbawlna lampi ahoih na mun te cnf in vik mahmah ding gelna om khin zo kicihi. Hau Thang