Thuthak Tomkimcing 13 0ct 2014

Thuthak Tomkimcing 13 0ct 2014

A. Rih ah Zomi inn 90 phata Pawlpi kim kipawl khopna nei.

Rihkhuadar myo ah Zomi inn 90 kipha ta hi. Kum 2014 bei ding hita in Khuado nipan kipan maikumnih 2015 pan 2016 kum nih hun sung Zomi makai ding pawlpi kim pan panmun vawh kholhna nei uh hi.

• 1. Chairman ………Pa Pau Khan Mung ( BBC pawlpi)
• 2. Vice Chairman .. Tg Thang Khawm Mung ( Laipian pawlpi)
• 3. Secretary ….. Pa Lang Deih Pau ( EBC pawlpi)
• 4. Asst Secretary.. Pa Thang Za Song ( AG Pawlpi)
• 5. Treasurer… Pa Zam Tuang ( RCM Pawlpi)
• 6. Accountant.. Pa Thang Khan Khen ( ZBCM Pawlpi)

hihteng in Zomite hong makaih ding in panmun seh kholhna nei ta uhhi. Sum lutna lampi ahih mah bang in Zomi bup in nasep hoih neih kim zawh nading leh Mandaly, Monywa pan hong pai Company van nam tuamtuam te Mizoram puak toh ding nasep tuamtuam te ah nasep neih kimzawh ding in gelna nei uh hi.

B. Tuteng Chin State sung Mangputal te na sepna.

Zogam Chin state sung ah Numei ,Pasal Maraton taii kidemna 12 Oct 2014 in Hakha khuapi ah liim citak in bawl uhhi. Myanmar gambup ai awh Mangputal U Tin San leh Chin State aiawh Mang putal Pu Hung Ngai te in tha pia uhhi. Pahtawina pen athumna Tg Duh Maang(Matupi) Anihna Tg Mang Chin ( Hakha) leh Akhatna Tg Awn Hon Thang (Kanpetlet) te in ngah uh hi. Chin ngeina liim citak in kilak uh hi. Akilak avek in Hakha puan bekbek ki tamm muzaw kicihi. Panmun tuamtuam pan pah tawina Traithlon U Ong Kyaw in Kyats 50,000000/- , Zaw Moe Naing in Kyats 50,00000/-, U Hla Myint leh U Thaung Sein te in Kyats 20,00000/- Zogam Chinstate Sakawngzik pupi Pu Nang Za Mung tungah apna nei thei uhihi.

C. Zomi te tulai percel.

Abeisa hun in Zomite gamdang percel ahih nak leh Lia paal no khat hi den hi. Tu kimkim te ah Percel ding Zotaang te in Lia paal te muangzo khol lo in’ Zogam pan in Gatamm tui, Be iik, Zawngtah keusa, Mehkha leh Samphok keusa Zotaang te in kin khelkhel uhi. Aki mang theikhollo Lia paal khat sang in Gatamm, Be iik, Mehkha, leh Zawngtah kan keusa lungngulh zaw mawkmawk uh hi.

D. 11th Champhai District High School Sports 2014 Football Final

Avei 11th Champhai District High School Sports 2014 Football Final pen Chhangphut Field- Tualpi ah Artificial Grass sung ah a khatveina ding in tuni 13 October 2014 kimawl ta uh hi. Closing programme in dam in kiza sak kik ding cih kiza hi. Hau Thang