Thuthak Tomkimcing 12 Oct 2014

Thuthak Tomkimcing 12 Oct 2014

A. Yunaan ah Zinling mi khatsi 300val liam

Chinna gam Yunaan gamkuam Yongping mun tengah M 6.6 tha tawh 7 Oct 2014 ni in zinling in mi khat si a, mi 300 val in in liam lawh uh hi. Guntui daalna mun sagih kisia khinzo ahih man in mi tulza sim in hamsatna tuak uh hi. 2014 Oct 11 ni in M 4.7 tawh zinling kik in mibangzah si kithei telcian kiknailo ahihi.

B. Khaguk sung in India Cycle 2264 kawlgam sung honglut

India – Myanmar kizopna No 1 Lampi Tamu khua pan in April kha pan in September kha kikal khaguk sung in India Cycle 2264 zuak ding in hong lut uh cih gamgi sumlei sum zuakna ceptehna pan kithei hi. Tamu pan in Kalay ah India cycle kizuak te FZ leh Ray Z hi in tulza 9 pan in tulza 12 kikal man in kizuak kilei hi.

C. Tunai Malaysia ah Zomi khat atunna apaina kitheilo khat om

Malaysia ah Sumzong in hongpai Liim khai khua mi Tg Kam Thian Suan ACR 13- 63657 Salemban Manting pan 7 Oct 2014 KL pai tudong apaina kitheilo in om hi. Amu athei kha teen a U Mung 01112244789 ah theihsak tek ding huhna kipia thei hi.

D. KIA leh Kawl galkap khauhtak in kikap kik

Kawl galkap te in KIA omna gamhuam Muse khuapi ngei 105 miles mun teng ah mawtaw 9 dim pitphet atuang kawl galkap in 10 Oct 2014 ni in va lut dihdih uh ahih man in KIA Battalion No.4 te tawh nasiatak in kikap kik leuleu uh hi. Kawl galkap bangzah si cih akitel theih nailoh hang in galkap mawtaw khat nasiatak in kikap sia nikneek in omhi. DKBA leh SSPP/SSA tawh zong kikap uh ahih an in tukha October NCCT leh UPWC kiho liim kilemna omlo ding muan mawh na om zo cihi. Hau Thang