Thucingh thutang (G)
• Geel siamna in, maban kician hong neisak hi.
• Gensiatna pen hoih lo a, gensiat dinga om zong hoih het lo hi.
• Gensia sia lecin, nang zong a gensiathuai mikhat suak lel ding hi teh.
• Gimna i thuak ciangin Topa bek mah i mitsuan ding hi. Amah in eite kihotkhiatna ahi hi.
• Genna sangin sepna hoih zaw a, sem napi-in hoih taka sep lohna leh lungkiatna pen hoih lo zaw lai hi.
• Gen ding tampi i neih/theih hangin, gen dinga kilawm maw kilawmlo cihte khen tel theih huai mahmah hi.
• Gen bangin, nuntakpih zawh nading hanciam in kisin kul hi pah hi.
• Gengen napi-in nuntakpih lohna pen, ei leh ei daan kipiapia ihi gige hi.
• Gelh/gen siam kei teh phamawh kei. Deihsakna tawh gen in gelh khia lel in.
• Ganhing ut bel ki om sam lo a, Ahi zongin ganhingte duh lohte nangawn peuh kiduh mawkmawk thei zaw lai hi
• Gam khat , minam khat adingin aman pha pen in, thauvui thautang hau-in, galkap tampi neihna hi lo zaw a, a nungta Pasian nei-in, ki makaihsakna hi zaw hi.
• Gam thumna kici(US) ut a, sidek liangin thu na nget mah bangin, Kha mangthangte’ leh cimawh gen thei meigong tagah daipaamte adingin thungen zel lecin, Pasian nak lungdam mahmah ding hi. A taktak in ci leeng, Gam thumna sangin gam lina tun’ theih nading, a lian mahmah gukhiatna mah thupi zaw!
• Gam khat, khua khat, pawlpi khat uk/makaih napi-in ama innkuan sung a uk/makaih zolo mite tu leh ta khang dingah lametna tawm mahmah hi.
• Gamh luah za’ pen ta upa pente in ngah a, ahi zongin Jesu Khris tungtawn a i ngah tawntung gamh luah za’ pen, Jesu Khris upna bek 
tawh kingah ding hi.
• Gupna ni taang lai cih sangin, gupna ni tum ding hi ta(themcik bek dawk kiukiau)cih hun hong tung hi ta hi.
• Gupkhiatna ngah kitelcianna pen, kam tawh pulakna bek hi loin, gamtatna tawh zong kilatkhiatsak kul hi.
Khazih sungah,
David Tuang
Comment piaknop aomleh...