Tg. Suan Kam Lian (Hatlangh) ii luanghawm Malaysia pan Anlangh khua ah ki puading
Anlangh khua mi Tg. Suan Kam Lian(Hatlangh)-SDA in Malaysia pan in TB natna tawh hong March 10, 2018 Saturday 5:00AM hong nusia hi.
A nu a pa te in a tapa khat bek neih sun uh a hih manin neih le lam teng a bei phial zongin ci in atapa uh Tg. Suan Kam Lian’ luanghawm Malaysia pan Anlangh khua dong pua dingin khensatna hongnei uhhi.
Tua ahih ciangin Anlangh Innkuan makai pi Pr. Htoo Mung, Pr. Tuangno te in thu le la a kisam khempeuh Kyaw Thu’ mite a hi Kepong ah Kawl dongtuak ki pawlna te panpihna tawh Wednesday 11:00AM in Malaysia Airline tawh Yangon Airport hong tung ding a, ZYA-Yangon te vai hawmpih na tawh direct in Anlangh tai to suak ding hi.
Tedim leh Anlangh khua ki kal pen SYC te in tavuan hong la to ding a hih manin lungdam mah mah hang. Zomi te a ki hu diam2 zo sem sem dingin Topa’n hong om pih tahen. A mah pen Bem tawh om a hih manin Naypidaw ah lai lak kul in hong buaipih Captain Pau Sut Mung te nupa tungah zong ki lungdam mah mah hi.
A lawm a gual in a khua a tui bek tham lo, Zomi Real Madrid Fan Malaysia, USA te hi ta leh Zomi Man Uted fan ten a dongin sum le paai tawh khak na nei ciat uh hi. A dah a kap a u le a nau, a nu a pa, a khua pih a tuipih, a lawm le a gual, a pawlpi mipih te a ki pan hehnem siampa Khasiangtho in hong hehnep sak tahen!Amen
Khazih Sungah,
Sia Thangneu
Yangon
Comment piaknop aomleh...