Tg. Lian Suan Piang (Youth Affair Committee) tangthu tomcing leh holimna

Youth Affair Committee, Chin State ah Assistant Secretary Tg. Lian Suan Piang Tangthu tomcing leh Holimna

1. Tedim Times : Tua aa Ass.Secretary panmun hong kipiak tawh kisai in na Feeling tawm honggen ve?

Lianbawi : YOUTH AFFAIR COMMITTEE, Chin State kiteelna ah Assistant Secretary ngahna hangin lungdam ingh. Zomi aitang dingin hih panmun ngah thei ka hih manin zong lungkim leh angtang mahmah ingh. Secretary panmun kiteel nadingin Dominant mi 12 lakah vote angah vetlo zong omin, vote 2 leh 3 angah zong omin, kei (Tedim) leh Matupi pan Salai Filip Mon pen vote hong kikim toto in atawpna ah aman vote 15 leh ken (Tedim) vote 13 tawh Assistant Secretary ngah kha ka hih manin hong dipkuat huai/lawp huai simtham hi.

Leitung bup ah National Youth Policy anei nailo gam 30 sungah Myanmar gam zong khatin akihel ahi hi. NLD makai in kumpi thakin ni 100 nasep thupi geelna sungah National Youth Policy hong hel uh ahi hi.

Hong deihsak leh hong muang aa hong teel makaite leh palaite tungah lungdam ingh.

Tedim Times : Minam tuamtuam tawh kikhawl ngeikhangno khat na hih ciang ei Zomi khangnote leh Minamdang khangnote i kilamdan na. Gtn. Pilna lam .

Lianbawi : Khangno khat hihna tawh University sangnaupang ka hih aa kipan Myanmar gam sung mun tuamtuam ah naseppih ute, lawmlegualte deihsakna/pattahna tawh thukikupna tampi ah kihel kawikawi ingh. Minam dangte leh Zomi khangnote kilamdanna muh khak thulela pawl khat in ei Zomi khangnote pen thu ngaihsut zia picing lungsim nei hihang. Cihtak, hanciam, thukhual leh mimal in siamna/kivakna zong kinei kimciat hi. Ahi zongin mitampi tawh vaihawm khopna munte ah ki thanem lai hi.

3. Tedim Times :- Mailam ah Zomi Khangnote i kalsuan zia ding hoih nasak tawm hong hawm sawn ve

Lianbawi : hangnote in i ngaihsut mahmah ding thu khat ah mitampi tawh kipawl khawm aa nasep khop zawh nading leh ahoih thute kalsuan pihin i minam it dan siamna tawh gam leh minam apauh azuun ding khangno tampi pattah ding kisam hi. Khangno sungah i ukna, isin pilna leh i nasepna kimah hanciamin apilzaw, asiamzaw dingin nakpi takin i hanciam kul ding hi.

Tedim Times : Manlah pipi aa hun nongpiak lungdam mahmah ung Topa in thupha hongpia tahen.

Lianbawi : Lungdam!

• MIN : TG. LIAN SUAN PIANG
• PA MIN : REV. CIN KHAN PAU
• NU MIN : NU ZEN SUAN VUNG
• UNAU PHAZAH : 5 (P-4, N-1)
• SUAHNI : 18/6/1994
• KHUA : TUITHANG
• TEENNA : TUITHANG
• PILNA : B.Sc. (Chem)
• NASEP : Assistant Project Manager (2015- 2017), Manager (2018- ……) Chinland Natural Resources Watch Group

FACEBOOK : Lian Suan Piang
EMAIL : [email protected]
PHONE : +95 9259185056

KIPAWLNA AH KIHEL NGEINATE;

• 1. BLOOD AGENT : ZYA-Kalay (2010)
• 2. SECRETARY : Tuithang Siamsin Innkuan (2012), Zomi Siamsin Kipawlna – Universities Myanmar/ a 6 veina Siamsin Seminar Tuithang
• 3. SECRETARY : Zomi Siamsin Kipawlna – Kalay University (2013)
• 4. SECRETARY : Zomi Siamsin Kipawlna – Universities Kalay (2013)
• 5. SECRETARY : University Christian Fellowship – Kalay University (2013)
• 6. ASSISTANT SCRETARY : Chin Literature and Culture Committee – Kalay University (2013)
• 7. VICE PRESIDENT : Chin Students Union – Universities Kalay (2014)
• 8. PRESIDENT : Tuithang Siamsin Innkuan (2014)
• 9. GENERAL SECRETARY : Zomi Siamsin Kipawlna – Universities Myanmar (2015), Zomi Siamsin Kipawlna – Universities Myanmar/ Zomi Siamsin Golden Jubilee Heilei (1965-2015)
• 10. SECRETARY : Tuithang Siamsin Innkuan (2016)

Note :- Tg. Lian Suan Piang @ Lianbawi/ Source: Tedim Times