Tehkak huai lo ~ Pau Khat Suan

Tehkak huai lo ~ Pau Khat Suan

Tusawng teng Zomite’ social network te ah laphuak siamte tehkak, kipawlna bulphuh a mipi ading a nasep hanciam i sakte nasepna tehkak, kipawlna leh pawlpi peuh tehkak cihdante hong tam simsim hi.

David in Goliath zo a Israel te in Philistine gal zo, nakpitak a lungdam mahmah laitak, tua gal a zawhpih David, nupite in pahtawi lua kisa Saul tawh ong tehkak dihmawk uh ciang, tua in Israel kumpi innsung leh David nuntakna ah lauhuaina leh buaina tampi ong kipan sak hi.

Saul in Israel ading nasem (kumpi) hi a, David in zong Israel ading a nasem (galpi d ) ahi hi. A hihtheih tawp tuak uhtawh na a sem uh ahi hi. Tehkak dihdih ding hilo hi. Saul leh David pen a gam leh minam ading nasep kidem hi dihdih lo uh hi. A kidemlo kimlai a va tehkak luailuai dihdihte mipoi taktak ahi hi.

Zomite ading a nasem, Zomite’ khantohna mah ahi laphuak siamte… cih khawng khat le khat va tehkak dihdih ding hilo hi. Amau zong a kidem hi dihdih hetlo uh hi. Tua tehkakna in phattuamna sang buaina leh thanemna piangsak zaw hi.

Thapiakdan ngaihsun phapha ni. Tehkakna pen thapiakna hi hetlo zaw hamtang hi. Pau Khat Suan

Comments pawlkhat:

Sian’ Sawmpi: Siamna le Siamdanbel kibang hetlo mah hi. Tua dan aa mi tehkak kawikawite amau’ kua tawh a kitehkak depmah uhtam ka cive…

SB Enno Adventist: Buai na ki bang kei thei tak ei..Tua bang mi teh kakkak te a mau zong mi dem nop na lung sim bek tawh a ki dim te hi mai lo dia…

Zam Mang: Siamna (music ) & ki uk dan a teh kak te’n bel ngaihsut huai pian mah mate!U Suanlek.