Tedim khuasung tuinek vai leh nasepzia kuppihna

Tedim khuasung tuinek vai leh nasepzia kuppihna

Nidang in ih Tedim khua khantohna tawh kisai ih Zomite thukizakna te ah, hong kikhah khia ngei khollo maw or ke’n a mukha ngeilo zaw maw ka tel keiaa, ahizong in tunai teng “Zomi Daily” pan in Tedim khua sung Sipin “Municipal” na sep nate ka simkhak zelzel ciangin, ka lungdam mahmah hi.

Kei mimal thei banciang in Tutung Sipin te nasep hanciam ei ana cici ka hihi. Nidang ate bang aa, appointed hilo aa elected ahih hang ai tam.

Sialtang tui vai hong kigen ciangin, kalunglut pah hi. Katheihnop pawlkhat hong dong pah leng!

• 1. Tuinak bangzah pan tui kila?
• 2. Tuinak khat pan tui gallon bangzah kila? Avekpi agawm tui gallon bangzah kila?
• 3. Tuibem (Reservoir) tengah tui kitungsak lai maw? Sak nawnlo?
• 4. Khuasungah tui bangci kihawm?

Pawmpi luitui lak ding akulta mah maw or sit (Conserve) phot ding

• 1. Pawnpi lui pan tui gallon bang zah kila?
• 2. Tui koi tengah kihawm?

Hawklam (Drainage)

1. Hawklam bangtawh kibawl? Lei kito lel maw or Cement Concrete tawh?

2. Cement Concrete ahih leh a ratio bangzah? Gamdangah drainage bawl nading 1:3:6 kitamzat zaw aa, ei zong tua 1:3:6 zang leng ih kantawn kikhom zaw ding hi.

3. Slope or Gradient bang zah? Gradient tamlua in hawktui luan manlaang lua (High velocity) leh hawklam Cement Concrete tawh ih bawlhang erosion tam in sia baih hi. Tua hangin, leimaitang a slope tam luatna te ah Cascade “Hawktui zeu” koih kul hi. Gn. CMBC khang teng bangah Cascade kisam pel mawh ding hi.

Zuunbuk Ekbuk (Toilet, Latrine)

1. Ih ekbuk, zunbuk te bangci improve ding? Fry proved double pit latrine, Pour Flush Latrine, Septic Tank

Ektui anbuk tuinin luanna (Sewer Line)

1. House to house connection bawl zo ding maw? bawl zolo ding?

2. Sewage Treatment Plant koi mun tengah koih ding?

Nin, Anbuk nin kaihkhopna len buakna (Waste and Gabage Collection and Disposal)

1. Inn sim in nin koi-ah khol ding?
2. Nin bang ci kahih khop ding? Mihing tha, ganhingtha or settha zang ding.
3. Nin koi ah bua ding?

Hih thute tu’n planning ih bawl kholh kei leh ziakai ta ding hi.

Lung hihmawhna tawh,

Khupkhan Thang Taithul
Norman, Oklahoma
U.S.A.