Tedim khuapi huamsung ah CNF te in leitang acre 800 kumpi tung ah ngen hi cih tawh kisai CNF te in hilo ci
Kumpi tawh kilemna ala mualtungthautawi khat ahi CNF te in kumpitung ah Chin state sung aa om Tedim khuapi huamsung ah leitang acre 800ngen uhhi cihtawhkisai in CNF te in tuni in nial uhhi.
CNF te in Tedim khuapi huam sung aa om leitang acre 800 kumpi tungah ngetna tawhkisai in Tedim khuapisung aa om khua Nu khua Pa te in abeisa July 17 ni in Khuapi uk Myone hausa pa tung ah deihloh nalai pia uh a Zomi Youth Association (ZYA) inzong Pyithawngsuh lotdaw ah deihlohna lai khak ding cihthu August 14 ni suak Zomi Daily thuthak pan kithei khia hi.
Tua thutawh kisai in ah CNF te ii galkap lamtawhkisai thuvanpi asem Col. Solomon in agen na ah “ hih tawhkisai in CNF centre panin ah bangmah theilo hi ungh, thukikupna khat peuhpeuh pan inzong leitang ngen ding cih thu khensat na om ngei lo hi” ci in gen hi.
Tua thuthak akigelh na sung ah CNF te in Tedim gam huam sung ah leitang neihtheih na ding tawhkisai in Chin state kumpi tung ah ngetna nei khin cihtawhkisai in kiciankhin in ahizong in ah Tedim khuapi sung hausa tetung ah zaksak na neileh neilo, Tedim khuapi sung hausa thunei te in phalna piak leh piak loh tawhkisai thu kithei cian nai lo hi cih thu ZYA kipawlna te in gen hi cih zong kigelh hi.
Hih thuthak tawhkisai in ah bulnei lo, thukician lo hi. CNF, Kumpi te leh mipi tekikal kimuhkhialh ki et khial ki huat na ding aa langpan na tawh a ki at thuthak hi lel hi “ ci in CNF thu van pi thumna ahi Pu Khua Uk Lian in gen hi.
Hi thutawh kisai in Tedim gamsung huam aa om Party tuamtuam pan in maikai pi te, Tedim khangno kipawl na, Numei kipawlna, NGO, Biakna makai te, khuano hausa te leh MP te in tukha August 16 ni in Tedim khuapisung aa om Tuiphun zumpi ah kimuh khop na nei ding uhhi cih zong ki suak sak hi.
CNF Tedim liaison office te inzong hih thuthak tawhkisai maan lo hi cihtawhkisai thunei te kiang ah kizasak khin hi cih thu kithei beh hi. Sr. Khonumthong news/ Saimon Timothy
Comment piaknop aomleh...