Tamu tukum 2014 X’mas bawlna vai tawm zaksakna

Tamu tukum 2014 X’mas bawlna vai tawm zaksakna

Dear All,
Khat vei tawh Merry X’mas & Prosperous New Year !

Tutung 2014 kum December Christmas bawl na vai kong
pulaak nuam hi.

1/- Tutung X’mas ni in nupa( Nupi sa leh papi sa ) kop (19 ) te
Pasian sung ah Sacramentu tawh ki ten na or R.C ngei na tawh ki ten na
nei thei uh hi.

2/-Tutung X’mas ka bawl uh pen kua ma peuh in lungkim huai ki sa hi.

3/- X’mas pawi muak na in Tamu ah Chin-long ( Paih-kyaw-chin ) ki
mawl na December 23-25 ciang om a, muh nop thei mah mah hi. Myone leh
Division a Selected te mah mah zong ki mawl uh a hih man in muh nop
mah mah hi.1st prize Ks. 100,000/-, 2nd Prize Ks. 70,000/-, 3rd prize
Ks. 50,000/- etc ta ki pia hi.

4/-December 24 ni tak in lengkhawm hun bawl na ( Praise and worship
service ) om a, Tamu a om inn 200 val pawlpi mi te veng 6 in ki khen
a, tua teeng la kidem na, naupang te zong a veng veng a Psalms 91 na
sung By heart a sim ki dem na te zong om hi. Zan Mid-night Mass pen
10:30 p.m – 12:30 a.m ciang ki bawl hi. Ki khop man ciang inn kuan
khat te i cit-piak na tawh Kyar-zan nek na om hi.

5/- December 25 Happy Christmas ni 9:00 a.m – 12:00 ciang zingsang ki
khop na hun pi Mass om hi. Zingsang tung a ki pan in an huan ding te
leh sa bawl meh bawl ding te ki buai pah a, sun ki khop tuah khit a ki
pan in nui zak huai ki mawl na te, ( 1 ) Nahtang luang bung-bu khai a,
vok-thau ki zui , a nuai ah dum lian pi khat om , tua sung a dim a tui
ki vung sak, mi te a gei pan a diang a naktang luang bawh in a tung
kah kidem, a tung ah Beer thawl, zusan thawl, leh guo dawn ah sum te
ki suang a, a kah zo te in khat pen pen la thei uh a, mi a tam zaw te
kah zo lo in kia suh pah pah uh a, tui sung ah kia pah pah uh hi.

6/- A nal mah mah vok thau a ki zut gua pum khuam dawn kah kidem na
zong om hi. A dawn ah gua ciang dawn ah sum te ki suang hi. Hih zong
muh nop mah mah cih ding hi.

7/- Lu-kham sat kidem na zong om, veng 6 pan in nupi te sial-khau ki
suut na zong om a muih nop mah mah hi.

9/- Christmas ni in thu zui pawl khat te i citpiak vok luang ( 8 )-
tawi 250 pawi an in ki huan a thu zui mi khempeuh leh hong pai
khempeuh in ki ne khawm hi. R.C pawl pi mi lo pawldang tuamtuam te leh
Kawl biak na tam pi zong hong pai in ki mawl na te hong en ngei ngai
uh, a mau zong ki mawl in nop sa thei mah mah ban vuah hong pai
khempeuh kua mah peuh X’mas an neek khawm na om hi.

10/- Dec. 25 ni Missa a man ciangin, Biak inn a ding huh na pia te leh
X’mas pawi a ding vok go or a luang a hong pia inn ( 8 ) teng lungdam
na laipi piak na ( Certificate of Appreciation ) piak na te zong om
hi. Tua ban ah zan ni tak a veng 6 pan a nupi papi te la ki dem na pan
a 1st, 2nd, 3rd, etc, ngah te leh veng 6 pan mah a naupang kum 14 nuai
siah te Psalms 91 na By heart a sim te 1st, 2nd, 3rd, etc,
letsong/Prize piak na te zong om hi.

11/- Dec. 28, Sunday ni in Inn kuan te pawi ( Holy Family ) leh
Naupang no te pawi ( Holy Innocents, Martyrs ki bawl khawm a, nau
pang te 300 bang hong ki khawm in, Group dung zui a ki mawl na
tuamtuam , letsong ( Present ) piak na te, Lucky draw ( Kan-san-me )
bawl na, breakfast piak na, lunch piak na te, om in nuam sa thei mah
mah uh hi. Lucky draw khat pen Kawl Buddist nau pang khat in ngah lai
hi. Group Photo ki kap na te zong om hi. India pan a hong hawh a,
hong ki khawm, sun ki mawl hun sung hong om Sister te 3 bangin zong
tha ngah mahmah ung, thu pi mah mah ci uh hi.

12/. Pasian thupha tawh Tamu ah tukum 2014 Christmas pawi pen pawlpi
tampi te lak ah R.C te biak inn ah mi tampen, ki gam lum pen nuam ki
sa pen ci uh hi.Kum thak ni ciang zong a hi thei bangin ki mawl na te
vai hawm lai ding cih a ka zaksak lai uh hi ven.

13/- Christmas pawi pen lungkim huai mah mah ka cih hangin lung nop
lo na pawl khat tawh hong ki tuak se se a, tua te pen a nuai a bang
teng hi:

( 1 ) Tu tung Tamu R.C pawl pi te ding sup na lian pi khat
om a, hih Christmas hun sung lai tak se se mah in, biak inn nung lam,
nidang kum 20 lai pawl a pawl pi te in nga-kul ( Fish-pound )a, a na
bawl ngei na mun uh, sum om lo man a, dai bek tawh ki um in, bang mah
a ki lam zo pak nai lo mun pen ko pawlpi te lam pan in, hih leitang
pen ko ma pawl pi huang hi cih thu bang mah lai ( Document ),Gtn:
Pongsan 105 te na nei kha nawn lo, zon zon hangin mu zo nawn lo ka
hih man un, tua pen tungsiah kumpi Ma-yah-kah oh-ka-tha pa ( Township
Officer- U Ko Ko Htwe ) leh veng hausa te in hong lak kik sak uh (
hong teng sak ) uh a, tua vai hangin kei bang Christmas pawi ka bawl
pen uh pen ka lungsim a lang bek nuam sa in, a lang khat pen nuam sa
lo in, tua hau sa te leh kumpi lam pan Ma-ya-kah oh ka tha pa U Ko Ko
Htwe te tawh zong ka ki kamtam lai hi.

Acre khat dektak a pha tua pawlpi huang ka ngah kik zawh nang un heh
pih na tawh thu hong ngetsak un, ci’n naungek Jesu’ min tawh kong
zawn uh hi.

( 2 ) Tamu parish sung, Tuivang khua mah ah a khuazang inn 70 bang
pha a vek pi vua R.C pawl pi vi ve a hih na mun mah ah, December 24
nitak X’mas Midnight Mass ah mawh-sut Siangtho Pumpi sang, X’mas pawi
pi ni Decembee 25 zingsang Missa pi ah zong Siangtho Pumpi sang lai,
nitak lam lengkhawm na ah zong a ki hel lai khangno tangval kum ( 18
), khangno sung ah a ki zang thei mah mah, ki khop a hanciam mah mah
khat, zu ne lo, za tep lo, zingsang ni tak biak inn pai a, khi khin
khin khat pen tua ni December 25 nitak in a inn huangsung hai kung
dawn ah a mah leh a mah gui-awk in hong si a hih man in X’mas a nop
na teng zong a tawm tuam tawh ki bang sa mai ing.

( 3 ) Tamu parish, Bokkan khua ah December 24 ni a, pawl sung hong lut
thak a ki tuisawp pan Nu Maria Vung Siam pen kum 60 bang a pha pen,
Dec. 28, ni in hong si in zan ni Dec. 29 ni ki vui zel hi.

Note tung ah lungdam( X’mas ) leh kumthak thupha nam kim
te hong tung ta hen!

Lungdam na leh thunget sak na tawh,

Fr. Andrew Go Lian
Parish Priest of Tamu,
December 30, 2014, Tuesday