US gamsung aom Telecom Company golpinih ahi T-Mobile leh Sprint te kigawmding

US gamsung aom Telecom Company golpinih ahi T-Mobile leh Sprint te kigawmding

USA gamsung ah Wireless Communications Service Providers apia Company alianpi pen 4 om a, tuate pen Verizon Wireless, AT&T Mobility, T-Mobile, Sprint Corporation cihteng ahihi.

Tua US gamsung aom Telecommunications Company 4 te lakah T-Mobile leh Sprint tepen khatah ki gawmkhawm dinguh cih CNN pan kiza hi.

T-Mobile leh Sprint tepen abeisa kumtampipek akipan ki gawmkhopding aki geelzelzel hi a, anunung ah aki gawmkhawmthei taktakta uh ahihi. T-Mobile leh Sprint te aki gawmkhopkhit uhciangin Company minpen T-Mobile bek kici tading cihi.

Tua hileh US gamsung ah Telecommunications Company alianpi pen 3 bek hitading a, Verizon Wireless, AT&T Mobility, T-Mobile cihtengbek hitading uhhi.

Telecom Company lianpi 2 aki gawmkhopkhit uhciangin T-Mobile CEO John Legere in makaihding hi. Tuapa in Sunday ni in Conference Call ah agenkhiatna ah US tangthu sungah Network ahatpen, asangpen hawmkhiatzawh nadingin ki hanciamkhawm dinghi ci’n genkhia hi.

T-Mobile Company ah nasemding mi tultampi ki lakbehding a, US gambup Nationwide Network pen 5G Connectivity tawh ki hanciamding a, United States pen 5G Connectivity ah makaipi dinmun ah kikoihding hi ci’n genkhia hi.

US gamsung ah T-Mobile leh Sprint tepen Wireless Service Provider alianpen athumna leh alina ahi uhhi. Aki gawmkhopma in Sprint Company ii neihsa amanzah pen $26 Billion kici a, T-Mobile Company ii aneihsa amanzah pen $55 Billion kici hi. Tu’n tua Company 2 te kipawlkhaw, ki gawmkhawm in Verizon and AT&T tetawh akidemding uh hita hi.

T-Mobile leh Sprint Company te ki gawmkhopding vaipen abeisa 2014 kumpek panin aki hanciam zelzel hi a, tukum taktak ciangin aki gawmkhawmthei taktakta ahihi.

More: Yangon khuasung kikawmna alemzawding ngimna tawh Uber leh Ooredoo te’n thukimna bawl

Aki demdem Telecom Company golpi 2 te pumkhat suakin ki gawmkhawmthei uhhi. Aki galneihden North Korea leh South Korea makaite zong maitang kituah, khut kilen in thu kikumkhawm theita uhhi. Khatlekhat aki galneih vilvel, akiphinden US President Donald Trump leh North Korea Leader Kim Jong Un tezong asawtlo in maitang kituah in ki muhkhopna neiding uhhi. Malaysia gamsung ah abeisa in Zomi Christian Fellowship (ZCF) mintawh Canaan ci’n pawlpi khatbek om himahleh, tulaitak Malaysia gamsung ah pawlpi leh pawlneu tuamtuam akigawm in 40 valbang phata kici hi. Sawltak #zomidaily