Switzerland ah Far Right te’n gambeelte dalding cih atangkopih manun gammi hihnavai Vote khiatna kinei

Switzerland ah Far Right te’n gambeelte dalding cih atangkopih manun gammi hihnavai Vote khiatna kinei

Feb. 12, 2017: Switzerland gam ah gam it a kici a khuahpai ngiat pawl “right-wing nationalist groups” kici ten gambeelte lutsak loh ding hi ci-in a tangkopih manun hih thu tawh kisai vote khiatna nei uh a, gambeel khang thumnate gammi (citizenship) a suah theihna ding uh deih pawl in zo hi. RTS public broadcaster leh national news agency ATS in tu ni-in gambeelte gammi hih theihna ding deih pawl “Yes” camp kici ten vote tam pen majority vote kici na ngah uh a, Switzerland gam-a gualzawhna dinginin canton 26 na zo uh hi.

Far right nationalist Swiss People’s Party (SVP) ten bel “No” campaign cih na tangkopih uh a, Islam leh gammi hihna suah theihna vai nasia takin kiselna lianpi na suaksak uh hi. Switzerland gam-a immigration department ten gambeelte thu a kanna uh-ah Switzerland gam-a gambeel mi 25,000 lak panin khang thumna (third-generation immigrants) mi ten a pu/pi a nei kei uh leh gammi hihna kipia lo lo ding ci uh hi. Gambeel a tamzawte pen Italians hi a, tua khit in Balkan gam leh Turkish mi hi ci uh hi.

Hih bangin vote khiatna hunah maituam numeite (black niqab women) in zong vote khiatna nei uh hi. SVP pawl-a co-chair politician Jean-Luc Addor in laipaih (articles) na ah a gelhna ah mipi ten “No” campaign pawl a gupna dingin thu gelh a, khang khat ahih kei kei leh khang nihte pen Arab gam-a lungphona Arab Spring kici hun-ate pawl hi a, tuate pen sub-Saharan Africa gamte (Horn of Africa), Syria ahih kei leh Afghanistan gam pan-a gambeelte hi hi ci-in “No” campaign pawl a gupna thu gelh hi.

SVP ten 2009 in Swiss vote neite in Switzerland gam ah Muslimte biakinn a Muslim hihna lahna dingin biakinn thakte ah tausang (new mosque minaret construction) kibawl lohna ding na dal uh a, tua khit nungin gambeelte lutsak lohna ding deihna nakpi takin hong khang hi.

Hih a nuai-a photo nihna en lecin European gam ten Muslimte lutsakna lohna ding a deih lo pawlte deihna a vom in kiciamteh a, a meigit colour sungah ciamtehna in a deih leh deih lohna uh gen thei lo uh a, a eng a kiciamteh ten Muslimte/gambeelte lutsak loh ding deih uh hi. Source: AFP news agency/ Thang Khan Lian