Suu Kyi leh Peace Negotiator Aung Min te ki mukhawm

Suu Kyi leh Peace Negotiator Aung Min te ki mukhawm

National League for Democracy (NLD) makaipinu Aung San Suu Kyi leh Burma’s Chief Peace Negotiator Aung Min tegel Monday ni in Naypyidaw aom Suu Kyi’s Office ah kimukhawm uh cih Irrawaddy News pan kiza hi. Hih ki muhkhopna ah Kawlgam ii mailam kilemna aom nading Peace Process vai kikumkhawm dingin ki lamen cihi.

Aung Min pen Government’s Union Peacemaking Working Committee ah Vice Chair hi a, tuaban ah Myanmar Peace Center (MPC) ahzong makai mah ahihi. Ama makaihna mahtawh Kawlgambup sungah “Nationwide Ceasefire Agreement” ci’n thautawi Ethnic Group sigih te leh All Burma Students’ Democratic Front (ABSDF) tetawh tukum October khasung in kilemn nading thukimna letmat thuhna zong ki neikhin hi.

Tuahi a, tutung Aung Min leh Suu Kyi te ki muhkhopna zong bangthu kikum cih aki theihcianlian nailoh hangin Peace Process vaimah hiding cihpen ki ummawhtek hi. Tuaban ah nungkhasung in NLD makaite genkhiatna ah maikum March kumpithak hong kahtoh ciangin Suu Kyi in Kawlgam Peacebuilding makaih khading cihzong genkhia uhhi.

Tusungteng Aung San Suu Kyi pen gammakai tengtawh abanban in kimukhawm ngekngek uhhi. Nungdiak December 02 ni in President Thein Sein leh Military Chief Senior General Min Aung Hlaing tawh ki mukhawm uh a, gamukna ki laihnading vai ki kumkhawm uhhi. Tuazawh ninihkhit ciangin nidang galkapmangpipa Senior General Than Shwe tawh kimukhawm leuleu uh a, “National reconciliation” vai kikum uh cih kiza hi.

Tuaban ah Union Parliament Speaker tawhzong kimukhin uh a, Shwe Mann tawhzong November 08 General Election khitzawh 8 veibang ki mukhawmkhin uh cih kiza hi. ZD Sawltak #zomidaily