Subang Jaya Shopping Mall ah Travelator in numeikhat akhepi gawikha

Subang Jaya Shopping Mall ah Travelator in numeikhat akhepi gawikha

Malaysia, Subang Jaya aom Shopping Mall khatah numei khat Travelator atuanlaitak akhepi awksakkha citciat cih theStar pan kiza hi. Shopping Mall pain Spokesman khat ii genkhiatna ah tua atuahsia numei pen kum 38 aphakhin khat hi a, Travelator atuan laitak in atuahsia cihi.

Akhepi aveilam kahleipai kawmkal ah gawikha ahih manin aguh khangkham “bone fracture” cimawk hi. Shopping Mall te’n Facebook Page tungtawn in Statement asuahkhiatna ah hih tuahsiatna Accident pen Wednesday nitaklam 4pm pawlin apiang ci uhhi.

Shopping Mall ii Basement Floor leh Lower Ground Floor kikawmna in akithuah kahlei atai dandante “Travelator” atuanna panin akhepi a awkkha citciat ahihi. Amahpen hih Shopping Mall ah vanleiding in apai Shopper khat kici hi.

WhatsApp tungtawn in Photo aki khahkhia khatsung ah numeinu ii akhepi veilam pen sikkahlei khatlehkhat kikal ah awk cimawk hi.

Fire and Rescue Department te’nzong hih tuahsiatna pen apiangtakpi hi cih genkhia uh a, aphual ahzong Rescue Personnel leh Paramedics te First Aid Treatment piading in vapaipah uh cihi.

Tuakhit ciangin atuahsianu pen Sunway Medical Center ah zatui ki bawlbehding in kipuaksuak cihi.

Nungkalsung mahmah inzong Malaysia, Subang Jaya sungmah aom Shopping Mall khatah numeikhat Escalator atuanlaitak kahlei sikpekkhat kilipkhia in, numeinu ii a zadang “Calf” munsanteng atkehkha citciat hi. Tua numeinu pen kum 20 gualpawl kici a, ageinai aom zato khatah kipuak cih kiza hi.

More: Malaysia Shopping Mall khatah Escalator pilhkhiagawp

Malaysia gamsung aom setkahlei Escalator tepen kipuahlo, kidonlo, Maintenance ginalo phadiak hiam, Accident kiza pahpah phadiak hi. Adiakdiak in naupangno tawh aki thuahkhawmte Escalator tuanciangin kidop huai mahmah hi. Malaysia leh China gamte ah Escalator panin naupang kia, tuahsia cihbang tawh asi tampi kizaza khinhi. ZD Sawltak #zomidaily