Suaktatak leh a ngingkhia aa nuihna in ~ AS Thangbawk

Suaktatak leh a ngingkhia aa nuihna in ~ AS Thangbawk

1. Cidamsak hi

Pumpi sungah natna a dal endorphins a kici om hi. Na nuih ciangin tua te na pumpi sungah ki khahkhia ziahziah hi. Na pumpi hong cidamsak hi.

2. Lungnopna hong pia hi

Nuihna in lungneuna, lunggimna pan in hong suaktasak thei hi. Na nuih ciangin na pumpi sungah T-cells te thahat hi. Lungkiat laitak nasem cortisol leh epinephrine hormones te susiahi. Na thanem laitak hong nuinuisak mi khat tawh omkhawm lecin na telcianpah ding hi.

3. Sikhang natna dal hi

Nuihna in sikhang kiamsak hi. Sikhang kiamsak bekhiloin lungtang thahatsak hi. Lungtangin sisan te mantak a pump zawh nadingin nuihna kisam mahmah hi.

4.Ihmut nuam hong pia thei hi

Nitak lupna tungah nuamtak na ihmut theihkei keh nuihsawm in. Ih mut theih nading zatui hoih penpen hi. Na innkuanpih te, na lawmte khat peuhpeuh tawh nui ziahziah inla lum in. Na ihmu thei ding hi.

5. Hong nosuaksak hi

Ni khat tawm veita nuih sawm in. Na nuih ciangin maitang tungaa sagui 15 valin thakhat in nasem hi. Na maitang tungaa sisan te kilaih pah ziahziah hi. Tua in hong nosuaksak, hong melhoih sak hi. Na kum sangin na moisuah zawk nopleh nuihsawm taktak in.

6. Lawpna hong pia hi

Na nuih ciangin na tuapsung, gilpi sung, ah huih lut hi. Tuap sungah huih siangtho a lutna in na pumpi sungkhempeuh ah nosuahna hong tungsak hi. Huih i dik ciangin i tuapsung dong a tung tawm mahmah hi. I nuih ciangin ih sungtawng dongah huih lut hi. Tua in pumpi nasepna hong nosuaksak hi. Lawpna hong pia hi.

A nui thei den mikhat pen natna ngah lezongh dambaih zaw hi ci in siavuan te in gen hi.

A nui thei den te a nui ngeilo te sangin kum 9 bang khansau zaw thei hi ci in muhkhiatna ki nei hi.

NUIH ding haksa lua hiam? Haksa lua lo hi. Sanggam nuih sawm ni. Tu mahmah in nuih sin aw. Nikhat minute 15 bang nuih sawm ni. Nuih na ding zong in bawl tawm ni. Hahaaa heeeehaaa hhahahha hahaha… by AS ThangBawk