Somalia gamsung ah Car Bomb puakkham in mi 14 in sihlawh, tampi liam

Somalia gamsung ah Car Bomb puakkham in mi 14 in sihlawh, tampi liam

Somalia gam ii khuapi ahi Mogadishu City sung aom Hotel maikhat ah Thursday ni in bomb puakkham in mi 14 si cih AFP pan kiza hi. Tua apuakkham bomb pen motor sungah akikoih “Car bomb” hi a, asi mi 14 banah aliamzong mi tampitak om kici hi.

Tua bomb apuakkhamsak pen Al-Qaeda tawh akizom ahi Shabaab Group te’n amau gamtatna hi ci’n genkhia uhhi. Weheliye Hotel mai ah apuakkham hi a, Government Officials, Army leh Intelligence Officers tampi aki muhkhop, aki kaihkhop laitak in Hotel mai ah apuakkhamsak uh ahihi.

Government Spokesman khat ii genna ah asi pen mi 14 phakhin a, ahi zongin Rescue Team te’n azonsan laitak hi in, asi zong ki behlap totothei hi ci’n genkhia hi.

Security Ministry spokesman khatinzong Weheliye Hotel mai ah Car Bomb apuakkhapna hangin mi 14 in sihlawh a, adangzong mi tampi liamhi ci’n genkhia hi.

Ageinai panin amukha Witness te’n agenkhiatna ah tua Car Bomb apuakkhapna munpen Makkah al-Mukarama Street kici lamzik tungah apuakkham hi in, tua lamzikpi pen Mogadishu City sungah akilim mi tampitak in anawkdet khat kici hi. Car Bomb apuakkhap laitak pen khuasung mipi te nasepna panin aciah ngeingai laitak ahihi.

Mogadishu City sungah Bomb Attack pen aomthei zelzel ahihi. Abeisa 2015 kum inzong Weheliye Hotel pen Shabaab thautawi migilo te’n bawlsia ngeikhin uhhi.

February khasung inzong Mogadishu City sungah Car Bomb nihtak puakkham in mi 38 takin sihlawh uhhi.

More: EU gamte’n Africa leh Middle East panin Refugee mi 50,000 laksawm

Nungkum October khasung sinzong Mogadishu City sungah Truck Bomb kici ahuaisia mahmahkhat puakkham ngeihi. Tuapen Mogadishu City sungah “deadliest-ever terrorist attack” kici in, mi 500 valtak in sihlawh uhhi. Sawltak #zomidaily