Singapore meileng leh Bus tungah MasterCard kizangthei tading

Singapore meileng leh Bus tungah MasterCard kizangthei tading

Singapore ah khuasung vakciang in Bus leh MRT Train te kilimzat mahmah hi. Tua Public Transports te khatpeuh zatding ciangin Mastercard tawh kipia ziauziau theitading cih Tuesday (Feb 28) ni in CNA pan kiza hi.

MasterCard te ii bawlkhiat ahi Countactless Credit Card leh Debit Cards ahih nakleh avekin kizangthei pahding a, hih Service pen March 20 ni akipan Singapore ah zangtading uh cih Land Transport Authority (LTA) te’n genkhia hi.

Asia gamsung ah hihbangdan Service azanggam pen omnailo ahih manin, Singapore gaminn hih Service azatleh amasa penpen hipah dinghi. Account-Based Ticketing System akici hih Service zangin khuasung vakciang meileng leh Bus tuanziauthei hi a, Credit Card leh Debit Card nazatpen tawh akizom Bank Account sungah nazatzah ki enkikthei pahpah dinghi. Hihpen Post-paid Mobile Phone sumthundan tawh kibangding cihi.

Mobile App pan ahi zongin, Web Portal pan ahi zongin abeisa nazatna, navakna te ki enkik theiding a, sumngiat puakkullo in lemmahmah dinghi.

Hih Service pen Singapore gamsung ah nungkum 2016 beikuan in azatsawm uh himahleh aziakai suak uhhi. Hih Service pen khuasungvak Commuters 100,000 bangin zangnuamding in lamen uhhi.

Hih Service azangnuam te’n amauzat Bank tungtawn inzong Pre-registered abawlsak pawlkhat om a, tualo inzong Online tungtawn in Register kibawltheiding cih kiza hi. Akhangto gam leh mihua te diakdiak in sumpen tawitawi nuamkhollo uhhi.

More: Malaysia gamsung ah “Samsung Pay” tawh van kilei theita

Adiak in cidamna lamsang akikemnuam phadiak te’n sumpen kihmai uhhi. Banghanghiam cihleh sumpen mikim khutsung bekthamlo, akawmkawm ah akikoih, akihen himawk ahih manin, kihuai mahmah hi. Tuahang in sum letlet tangin Credit Card, Debit Card te kilimzat a, tuaban ah Phone tungtawn in sum piaktheihna cihbangin Technology te khangtoto hi. ZD Sawltak #zomidaily