Singapore gamsung ah ahawl omlo Driverless Bus zangtading

Singapore gamsung ah ahawl omlo Driverless Bus zangtading

Singapore gamsung ah asawtlo in “Driverless Bus” te kizangdek tading cihthu CNA panin pulakkhia uhhi. Driverless Bus cihciang in ahawl omlo hipahphot hi, ahawlding mi kisam nawnlo in Computer System tawh khuasung ah mipi tuanna Bus te taisaksawm uh hita hi.

Hihbang in ahawl omlo Driverless Bus pen Singapore gamsung aom Nanyang Technological University (NTU) leh CleanTech Park kikal ah sinphotding uh a, tuaban ah Pioneer MRT Station dongzong kizomsuak theilaiding cihi.

Singapore gamsung ah abeisa hunsung in aomngei nailo, akizang masa penpending ahi Driverless Bus zatdingvai ah amakaihding pen Land Transport Authority (LTA) leh NTU’s Energy Research Institute te ahi uhhi. Hih tegel in Driverless Bus vaitawh kisai zanni October 19 ni in Singapore International Transport Congress and Exhibition ah thukimna Agreement bawlkhinzo uh cihzong kiza hi.

Amasapen in Driverless Bus ataisak nading munpen Nanyang Technological University leh CleanTech Park kikal hi a, Meter 12 asau Bus te taisakding uh cihi. Tua Bus tepen dawlkhatbek anei Single-deck Bus hi a, Bus khat tungah mi Passenger 80 ciang tuangtheiding cihi.

Akhangtosa gamte lah khangto semsem uh ei, akhangto nailo gamte lah khangtozo mahmah naikei hangei. A ngaklah mahmah te’n makai hongsep uhhang inlah upmawh bangpah hathat keileh kilawm ei. Cikciang Zogam ah Driverless Bus ataizo zentammaw??? ZD Sawltak #zomidaily