Singapore gamsung aom Standard Chartered Bank panin sum S$30,000 damiah taihin agukhiapa pen tulaitak Thai gamsung Bangkok’s Immigration Detention Centre ah akikep laitak ahihi. Hihpa min pen David James Roach hi a, Canada gammi kum 27 valdeuhbek aphapan khat ahihi.
Singapore gamsungpan sum honkhat agukkhiat khitciang in tuakhitdeuh in Thai gamlam zuanin vanleng tawh nalengphei a, Thai gamsung pan kumpi thunei Royal Thai Police te’n namankhia uhhi.
Immigration Detention Centre pan ulian te’n tuni agenkhiatna ah hihpa pen bangmah lunghimawhna neihtuak khollo, an zong angei mahbang in nezo lel ci uhhi.
David James Roach in Singapore gamsung Holland Village aom Standard Chartered Bank panin July 07 ni in sum S$30,000 damiah taih in, gukhia hi. Tuakhitphet in Thai gamsung Bangkok khuapi zuanpheipah hi. Thai gamsung Central Bangkok aom Boxpackers Hostel panin 10 July ni in ki mankhiathei hi.
Hihpa vai tawh kisai in Singapore kumpi thunei te leh Thai kumpi thunei te’n avaihawmsan laitak ahihi. ZD Sawltak #zomidaily
Comment piaknop aomleh...