Singapore ah Samsung puansawpset khat meikang

Singapore ah Samsung puansawpset khat meikang

Singapore ah Samsung puansawpset Washing Machin khat zanni Wednesday (November 09) ni in meikang cih Shin Min Daily News kici Chinese Newspaper te’n pulakkhia uhhi. Block 469, Segar Road vengsung aom Bukit Panjang Flat ah hi a, anu leh atanu laulua in taikek uh cihi.

Tua innteekpa pen kum 51 aphakhinkhat hi a, amahzong Technician khatmah ahihi. Ama ii genna ah kum 42 aphakhin ahi azi in anhuanbuklam aom Samsung Washing Machine tawh puan sawp in aki peipei ahi cihi.

Apuansawpna Washing Machine pen anutsiatzawh Minute 10 khitkhawng ciangin meikhugim za ahih manin, puansawpset ava etleh mei nakuang in, meikhu khawng nakizelgawp cihi.

Tuaciangin azi zong kum 16 aphapan atanu uhtawh a innpan in taikhia uh cihi. Aliambel kuamah omlo cih kiza hi.

Hih meikatna hangin Singapore Civil Defence Force te 11:50am hunpawl in kizasak a, meiphelh mawtaw Fire Engine khat, Fire Bike nih leh Support Vehicle khat aphual ah ahonkhiading in tungpah hi.

Meikuang pen asawtlo in phelhsiang zopah uhhi.

Innteek te’n hih Samsung Washing Machine pen aleizawh uh kum 4 bang hita a, $400 tawh alei uh ahihi. Bangnam, bang Model cihpen kitheician lianlo hi.

Meikatna hangin puansawpset zong belmang tawh vomcipgawp a, ekbuk baang, Ceiling leh Air-con Pipe cihte zong meikang cih kiza hi. Samsung Electronic van ahih nakleh hong lauhuai pianleh kilawm mawk hi. ZD Sawltak #zomidaily