Singapore ah Myanmar Maid khat innteekpa’n buan ahih manin kum 13 thongkia

Singapore ah Myanmar Maid khat innteekpa’n buan ahih manin kum 13 thongkia

Singapore ah innteng in aom Myanmar Maid khat a innteekpa in zawhthawhthu tawh buan “Rape” cihi. Tuahangin innteekpa kum 13 thongkiading in zanni Monday ni in thukhenmangpi te’n thupia uhhi. Kum 13 thong akiatding banah ciingduai tawh tawsatzong 13 vei thuakding hi.

Tua Myanmar Maid abuan innteekpa pen kum 45 aphakhin khat hi a, abuanthuaknu aki theihkhiatding ngaihsutsakna in innteekpa minpen ki pulak khiatsaklo hi.

Singapore gamsung ah innteeng nasem in aom te lakpan innteekpa in buan athuak masapen inzong kiciamteh hi. Banghanghiam cihleh nidang in Maid te tungah hihbangdan Rape Case om ngeinailo cihi.

Hih Myanmar Maid buan athuak pen 20 December 2013 kumpek hi a, zanni in thukhenzum panin athongkiat zahding khentatna apiapan ahihi. Tua Kawlgammi innteeng in aomnu pen nai 6 sungin nihvei buanthuak hi ci’n Straits Times te’n pulakkhia uhhi.

Hihbangdan bawlsiatna athuak simsimkhawng aomkhak zenzenleh maizumlotak in kumpi thunei te tungah ahunlap in tetti kician tawh zaksakpahding pen athupi mahmahkhat ahihi. ZD Sawltak #zomidaily