Video: Singapore gamsung lamkanna lei khat mawtaw in anawkkhak laitak

Video: Singapore gamsung lamkanna lei khat mawtaw in anawkkhak laitak

Singapore gamsung ah abeisa July 21 ni in leitoset Excavator mawtaw khat ii akhutbom in lei khat nawkkha hi. Tua lei pen khetawh khuasungvak te’n lamkan nadingin akibawl Overhead Bridge hi a, Balestier Road lampitung ah akilam khat ahihi.

Hih tuahsiatna Accident pen Singapore Stompers Imran, Ghanesh, Noan, Alex, Jay te’n mipi theihding in khakhia masa uhhi. Tu’n ROADs.sg te’n Facebook tungtawn in Video akizaihkha khat hong khahkhia leuleu uhhi.

Tua Video sungah leitoset Excavator Arm in anawkkhak laitak kiciantak in ki enthei hi. Excavator mawtaw pen adang mawtaw khattawh aki puasawn hi a, sanglua ahih manin atungah akilam Overhead Bridge tawh kinawkkhalian hi.

Aki nawkkhak laitak in lei tungpan in leivui, leineng kiasuk ziahizah a, kicim suksuak samlo hi. Ahi zongin Excavator mawtaw in anawkkhakna hangin tua Overhead Bridge pen kilawikhia in siakgawpzo veve hi.

Singapore Land Transport Authority (LTA) te’n agenkhiatna ah hih lei pen acipsuk lohhang in akipna kilongkhia veve ahih manin, mipi leh Safety khualna in hih Overhead Bridge pen ki hemkhiading cihi.

Video: The moment of impact when the excavator hits the overhead bridge along Balestier Road

Hih Accidvent vai hangin kum 59 aphakhin mawtawhawlpa leh kum 59 aphakhin nasep neipa Employer(Boss) pa kiman uhhi.

Related: Singapore ah aki lamsan lei kicim in mi 1 si, adang mi 10 liamgawp

Hih tuahsiatna hangin asi aliam kuamah omlo a, ahi zongin mawtawhawlpa ii Driving Licence pen kimatsak pahlian in, a Boss patawh anih un “Section 65A(1) of the Road Traffic Act, Chapter 276” thukhun ombang in thu kibawlding uhhi. Nungdiak mahmah inzong Singapore gamsung mahah aki lamsan lei khat kicim in mi 1 in sihlawh a, adangzong mi 10 bang liam uhhi. Sawltak #zomidaily