Sengam Sichuan sungah zinling in mi 19 si, adang mi 247 liam
China, Sichuan Province sungah 7.0 Magnitude thahatna tawh zinlinggawp ahih manin mi 19 in sihlawhkhin a, adangzong mi 247 bang liamgawp uh cih AFP pan kiza hi.
Asi mi 19 lakpan khualzinmi Tourists 8 kihel uhhi ci’n Provincial Government leh Official Media te’nzong Wednesday ni in pulakkhia uhhi.
China, Southwestern Province of Sichuan sungah Tuesday zanlam akipan in zinling akipan hi a, zinlinna munleh Tourist Destination minthang mahmah ahi Jiuzhaigou Nature Reserve tawhzong kinai mahmah cihi.
Hih Sengam Sichuan Province sungpen abeisa inzong zinling kiza pahpah hi. Abeisa sungah ahuaisia phadiak ahihleh 2008 May kha zinlingpen hi a, tuahun in mi 70,000 takin sihlawh cizen hi.
China, Northwestern Region of Xinjiang ahzong 6.6 Magnitude thahatna tawh Wednesday ni in zinling adangkhat om cihi. People’s Daily te genkhiatna ah hih zinlinna panin mi 32 te’n liamna ngah uhhi ci’n genkhia hi.
Video: Quake in China’s Sichuan kills 19, including tourists; injures 247
Sichuan government te genkhiatna ah asi mi 19 lobuang, aliamte pen aliamgawplua omlo in anuntakna uh patauh huailo cihi. Asi lakah mi 9 pen amin apuam ki theicianzo nailo cihi.
Tuaban ah Sichuan tawh akinai Gansu Province sungahzong zinling in leicim mencim hangin mi 8 si cih People’s Daily pan kizakbeh hi. Guahtui zong tamlua mahmah in tuahangin mencimzong apiangsak kici hi.
Related: China, Hangzhou City aom Restaurant khatpan Gas bung puakkham in mi 2 si, 55 liam
China gamsung ah tulaitak zinling vaitawh tuahsiatna tuamtuam tammahmah in, asi aliam zong mi tampi omkhin uhhi. Sawltak #zomidaily
Comment piaknop aomleh...