Siama Zamnu gelh laibu thak “Watchmen, Come Up Higher”

Siama Zamnu gelh laibu thak “Watchmen, Come Up Higher”

Dear kong it sanggam te, Hih laibu ongpian khiat na pen, Pasian Khephung ah ama KhaSiangTho makaih na tawh ong piang khia a hihi. Laisiangtho bek sim in lungngaihna kum tampi ong bilhcipna pan in ong tel sak dan in ka at a hihi.

Leitung ah mite kisia lua in, haksatna sung ah a bawlpa ki phawk nawn lo a, lungmang in om mi tampi tawh ka ki tuahkhak ciangin, ka lungtang ong na in, ka ci na ding thei lo in ka sep theih bang ka sep sep laitak un, Pasian Kha mah in na veina teng at khia ding in kithawi in, keimah in kong panpih ding ong cih ciang in, pilna siamna cingtaakna ka neih loh pi mah in, ka sep toh toh leh kiim leh paam pan mi tampi ngaihsut hoih piak na, thungetsakna teng tawh, ong suak khia hi a, minphatna leh minthanna khempeuh, ngah ding a a ki lawm i Pa mah in tang ta hen la, a simmi khat ciatin, ong bawlpa tawh ki naina ong piang sakta hen.

“Watchmen, Come up Higher – Khuapi cingte aw, a sangzaw ah hong kahto un”

Tulaitak in, Spain pau in lek ding in,ki pan ta a, kawlkam leh zo kam pen a manlang thei in ong pian zawh nading in ong han ciam nung.

Laibu deih te in, Amazon, xulon, google ah ki vai khak thei a, US 15.99 man sak uh hi. Ebook ah zong koih uh hi. Topa in thupha ong pia ciat ta hen! Sm Zamnu (Dim Lun Zam)