Shikhar Khuapi (Tedim khuasung thuthang tuamtuam)

Shikhar Khuapi (Tedim khuasung thuthang tuamtuam)

Nunnop damtui a luanna/ lungdeih teng liibang cinna Dimtuivangkhua tualnuam Shikhar khuapi a suak ding ka phal lo e.

Sipin mawtaw ten ningani sim (every Friday) in khuasung lamdung teng nin tawm / nin hong khawm kawikawi uh hi. Tedim lampi cipeuh ah India te bawl Shikhar (ကြမ္းေပါင္း) hawng dimkhin hi. India ten thunem (soft power) tawh Tedim gam hong uk hi gige mawk hi.

Mipawlkhat te bang in a duhlopi pi khangual batna dan in ngaihsun in a muam zong om ta zen hi. Eimau ninciat tavuanla zoleng khuasung siangtho mahmah ding hi.

Suahtakna mualsuang/ suangkhuam kimteng-ah zong zuthawl/beer thawl kitam dimkhin hi. A siansuah Sipin Staff khatzong thawl kitam in a khutsunkha aa, si leh nai tawh kidim hi.

A ne ten zong sukham seselo in naneekna munvuah nakoihsak le uh ci’n Sipin te hong khawm ding hi ungh.Thawl sukhamleng a limzung zung tuam hisamlo a hih ciang.

I Pu i Pa te minphuahsa Tedim/ Dimtuivangkhua pen Shikhar khuapi tawh laihsawm kei ni—

Tedim min hong piankhiatna pen bualtuite nizang in a tan ciang tedimdiam ahi man in bualtui te deldel tungtawn pan hongpiangkhia ahi hi.

Tu in bualtui lah mangthang khinta ahih ciang mite in lamgdung aa Shikhar hawng te mu leh Shikhar khuapi ci’n min hong vawhsak khak ding lungsim hong sukha mahmah hi.

Siansuahna Nei

Suahtakna ni (independence day) hong naita ahih man in, suahtakna phawkna mualsuang/ suangkhuam kim teng lopa kihah siang hi.

Suahtakna mualsuang nuai-ah suaktatak leh ut bangbang gamtat ding pen eimau thu (rights) khat ahi hi. A hizong eu mau utbang in i gamtatna hang in kim leh paam i nawngkaisak loh ding thupi hi.I nawngkaisak khak leh mite suahtakna a susia suak zel hi hang. Suaktakna (freedom) ngahtek tek leng i sepding tavuan (responsibility) liantek tek hi.

Khasiat Huai

Suahtakna mualsuang geiteng ah zatuisutna (syringe) tampi om ahih man in i mailam dinmun ding leh kalsuanzia ding lungzuan khasiathuai mahmah hi. Tedim Municipal