Malaysia, Shah Alam aom mohzuakna ah zusa gamtatna Video ki khahkhia

Malaysia, Shah Alam aom mohzuakna ah zusa gamtatna Video ki khahkhia

Malaysia gamsung Tesco Setia Alam aom mohzuakna Bakery Store khatah zusa avak zakzak laitak Video Clip ki khahkhia hi. Tua Video pen Hypermarket sungah vanlei in apai nupikhat in azaihkhak ahihi.

Tua Video azaihkha nupinu pen amin Alia kici a, amahpen ataneu khattawh tua Hypermarket sungah Shopping apai uh ahihi. Tua nupinu in amasa in hih Bakery Store ah zusa avak kawikawi amuh ciangin Tesco Employee nasemte kiangah genpah hi.

Ahi zongin Tesco nasem te’n tua zusa om cihpen thupi ngaihsutlo in bangmah Action laksawmlo uhhi. Tesco nasem te’n athudonloh ciangin nupinu inzong Health Department te kiangah Report bawlpah hi.

Tua nupinu in azaihkhak Video Clip pen 2 hi a, Video khatpen ki limet mahmah in View bekbek Million khat valkhinta hi. Video sungah zusa khatin mohkizuak te namphei, petphei kawmkawm in tuakhit ciangin anunglam ah taikhia hi. Tua Video Clip pen Malaysia Netizens te tungtawn in Social Media tuamtuam ah ki thehzakgawp hi.

Hih thupiang hangin kumpi thunei te’nzong Hypermarket sungteng sikcianna neisakpah uhhi.

Tesco Spokesperson khatin agenkhiatna ah tua Bakery ah akikoih nektheih khempeuh avekin ki paikhia sakpah a, hoihtak in siansuahna ki neisak hi ci’n Local News Portal khatah genkhia hi. Mailam ah hihbangdan apiankik nawnloh nadingin ka hanciam mahmahding uhhi ci’n genbeh hi.

More: Pasal khat anne in atutlaitak abombi sungah zusa khat lutto

Tua Tesco Setia Alam aom Bakery Store pen buaina apianzawh nung Tuesday ni in aki khakcipsak hi a, zanni Thursday ni in Health Department te’n hongsak kikpan uhhi. Department’s Food Safety and Quality Division te tungah aki Report tungtawn in hoihtak in aki siansuahsak khitciangin aki hongsakkikpan ahihi. Sawltak #zomidaily