Security Guards te leh siamna theikhat akitot laitak uh Video kithehzak
Malaysia, Subang Jaya sung aom Apartment khatah Security Guards te’n thumanglo khat amat huan laitak uh Video pen Social Media ah ki thehzak hi. Tuapa pen siamna akitheisak “Mixed Martial Arts (MMA)” khat cisawnsawn hi.
Subang Jaya Apartment khat ii Lobby sungah thupiang hi a, Security Guards tepen gamdangmi vive ahi uhhi. Security Guards tetawh kam kinialnial masa uh ci a, tuakhit ciangin siamna theipa’n Security Guard khat aphei tuatpheisak masa hi.
Security Guard pazong ami aneu hangin dawihetlo in bawhpheipah leklek a, leilak ah anih un tuksuk in kihualpah uhhi. Tualaitak in Security adangte’nzong bawhpheipah uh a, siamna theipa pen cimawhta hi.
Ageinai ah amukha te genna ah hihpa pen Condo (Condominium) sungah lutsawm in, ahi zongin Security Pass (Card) neilo cihi. Tuaciang in Security tetawh kamkinial in, anunung ah kilai uh a, Security te’n hencip in mancip uh cihi.
Hih buaina Incident pen WhatsApp leh Facebook tungah kithehzak in, Police te’nzong theikha uhhi. Subang Jaya district police chief ACP Mohd Azlin Mohd Sadari ii genna ah hihvai tawh kisai in alangnihtuak panin Police Station ah Reports hongbawl uh a, hoihtak aki kancian laitak hi ci’n genkhia hi.
More: Malaysia palik te’n Subang Jaya sungah kolbulhsa in mikhat taisuah
Malaysia gamsung aom Shopping Mall, Condo, Bank, Office tuamtuam cihte ah Security Guard asemte pen gamdangmi vive hizawpian a, Malaysian gammi pawlkhatte’n thusim hetlothei uhhi. Hih buaina vaizong Malaysian Police te’n kua hongzosak zaw uhdiam? Sawltak #zomidaily
Comment piaknop aomleh...