Samsung te’n “Galaxy Tab A” kici Tablet thak zuakkhia ta

Samsung te’n “Galaxy Tab A” kici Tablet thak zuakkhia ta

Samsung Malaysia Electronics te’n “Galaxy Tab A” kici min avawh uh Model athak liklek Tablet khat zuakkhia leuleu uhhi. Hih “Galaxy Tab A” pen 2016 Edition hi a, Tablet tungah noptak in laigelhtheih ziauziau nading in “S Pen” kici laikung khatzong kithuahkawm sakpah uhhi.

“Galaxy Tab A” pen Android Version 6.0 Marshmallow tawh honglemtuah khiat uh hi a, Samsung’s Signature S Pen zattheihding in ompah ahih manin, Tablet tawh naciapteh ziauziau nading in lemmahmah dinghi.

“Galaxy Tab A” ii asetsung ah Internal Memeory 16GB aomsa hi a, RAM zong 3GB tak ahihi. MicroSD Slot ci’n Memory thunziauziau theihnading om a, Memory atampen 256GB dong aki thuntheiding in abawl uh ahihi. Camera zong anungleh amai ah khattuak thuah uhhi. Rear-facing Camera pen 8 Megapixel hi a, Front-facing Camera pen 2 Megapixel ahihi.

Processor pen 1.6GHz Octa-core Processor namte zang uh a, Battery pen 7,300mAh Battery te ahihi.

S Pen kici laikung tawh laituamtuam gelhnop bangbang ahi zongin, suihnop bangbang limtuamtuam ahi zongin olnotak in kizang ziauziau theiding in akibawl ahihi. PDF File tetung nangawng ah Annotate kibawlthei dinghi.

Battery pen 7,300mAh tak hi a, Samsung thuneite genna ah Battery pen nai 13 sungbang kizangsuak theiding ci uhhi. YouTube video etnadign ahi zongin, Website tuamtuam etnading ahi zongin, nasepna vaitawh Presentation tuamtuam bawlnading ahi zongin Battery pen nai 13 sungtak kizangtheiding ahih manin zatcing mahmahding hi. (A puakkhapzel kei nakleh 🙂

Galaxy Tab A (2016 Model) tepen Malaysia gamsung aom at Samsung Experience Stores te ah GST apakhinsa RM1599 in deihzahzah kileitheta cihthu kiza hi. Color pen Black Color leh White Color namnih in ki ngahthei hi. ZD Sawltak #zomidaily