Samsung Phone khat ipsung ah akikoih laitak puakkham in meikuang
Indonesia gamsung ah pasal khatin Samsung Smartphone khat apuan ang ipsung ah akoih hi a, thakhat in puakkhamvat cih Daily Mail pan kiza hi. Tuapa pen Hotel supervisor Yulianto kici a, kum 47 aphakhin khat ahihi.
Tua apuakkham Samsung Smartphone pen “Samsung Grand Duos” khat ahihi. A nasepna Hotel ii amailam Lobby ah angak in aomlaitak apuan ang ip sungah akoih Samsung Phone pen savat in, tuaciang in akhuttawh aletsawm lianleh apuakkham hi. Apuak zong meikuang in ahi zongin amanlang in suahkhiathei bilbel hi.
Hihpa dinna munlianpen CCTV panin Video Record kibawlkha in, CCTV aki etkik ciangin tua Samsung Phone apuakkhap lianlaitak kitel mahmah hi. (CCTV ci’n abangcia linglinghiam acinuam, Comment utbang in apiasuk phungphung omtheizel hi. CCTV Screen pen Video akizaihkik cihkhawng phawk huaihi)
Indonesia, Semarang aom Hotel Ciputra ah nung Saturday ni in thupiang hi a, apuakkhap ciangin agei ah aom khatpa inzong apuan asuah ciangin nahuh saisai hi.
Hih Samsung Phone aneipa’n agenna ah hih Phone pen 2013 kumin alei hi a, abeisa hunsung ah bangmah nawngkaina, siatna omngeilo cihi.
Tua apuahkhap madiak in ka angsung ah alum hanhankhat om in, akiling dankhatin kathei cihi. Tuaciang in puakkham in, meikuang tawh kizompah ahih manin, ka pataugawp cihi. Amanlang theipen in kapuan kasuahkhia saisai hi ci’n genkhia hi.
Video: Samsung smartphone explodes in man’s pocket and sets his shirt on fire
https://www.youtube.com/watch?v=ue0XWQ4oqKw
Hihpa pen amanlang in Hospital khatah kipuakpah a, a awmsung meikang teng zatui kibawlsak hi ci’n Indonesian Police te’n genkhia uhhi.
Hih Samsung Smartphone apuahkhap laitak in Wifi, Bluetooh, GPS cihte avekin zatkhat in kazangkhawm ci a, tuateng azatkhop ciangin a phone in thuakzolo, sa salua in apuakkham hiding in ki ummawh hi.
Related: Apuakkham thei “Samsung Galaxy Note 7” te puahpha in kizuak kikding
Corporate Marketing Director of Samsung Electronics Indonesia panin Jo Semidang kicipa in agenna ah hih buaina Incident vaitawh kisai in Samsung thunei te’n hoihtak in akancian laitak uhhi ci’n genkhia hi. Tuaban ah atuahsiapa zong ahithei bangbang in ka panpihding uhhi ci’n genkhia hi. Sawltak #zomidaily
Comment piaknop aomleh...